Жаңалықтар

Фото: shutterstock.com
Bloomberg New Energy Finance, зертеуінше, электр көліктері қазірдің өзінде күніне 1,5 миллион баррель мұнайды ығыстырған. Бұл процестің жеделдей түсуіне пандемия өз әсерін тигізді. Енді бұл үрдіс қарқын алмаса, баяулай қоймайтынын айтады сарапшылар.

Қытайда автомобиль нарығы трансформациядан өтіп жатыр. Ақпан айында зерттеу жүргізіліп, онда жанармай мен дизель отынын пайдаланатын автомобильдердің жыл сайын 20%-ға төмендеп отырғанын тіркеген. Ал электромобильдердің сатылымы керісінше 32%-ға өскен. 2022 жылы 10 миллионнан астам электр көлігі сатылды. Бұл көрсеткіш алдағы уақытта арта түседі.

Алдын ала болжам бойынша, Қытайда 2030 жылға қарай электромобильдердің нарыққа енуі 40% құрайды. Бірақ осы қарқын сақталса, өндірушілер бұл шекті көрсеткіштерге 2023 жылы...

Фото: shutterstock.com

Қор нарығына ESG-облигацияларын шығаруға мүддделі көмпанияларға әдіснамалық қолдау көрсетіледі. Осы бағытта «Қазақстан қор биржасы» АҚ мен Green Investment Group өзара ынтымақтастық туралы Меморандумға қол қойды. Бұл туралы KASE-нің баспасөз қызметі хабарлады.

Меморандум ESG-облигацияларын шығаруға мүдделі компанияларға әлемдік ESG-жобаларын құру тәжірибесіне сәйкес әдіснамалық қолдау мен консультация беру, тұрақты даму мәселелерін ілгерілетуге бағытталған іс-шараларға қатысу және оқытуға жәрдемдесуді көздейді.

«Ынтымақтастық шеңберінде GIG KASE-де облигациялар шығаратын эмитенттер үшін өтеусіз негізде «жасыл»/әлеуметтік/тұрақты облигациялардың бес шығарылымының халықаралық стандарттарға сәйкестігіне тәуелсіз кепілдік береді.Аталған құжат тек ірі компаниялардың ғана емес, сонымен қатар шағын және орта капиталдандыру компанияларының ESG-облигацияларын шығарып...

«Дружба» арқылы сатылатын қазақ мұнайы Brent бағасынан 1 доллар қымбатқа саудаланады

2022 жыл – мұнай экспортын әртараптандырудың бастауы болса, 2023 жыл – сол ізденістің белсенді кезеңі болатын сияқты. Қазақстан, әсіресе, біраз жылдан бері өз қуаттылығы деңгейінде жұмыс істей алмай отырған Әзербайжан құбырларын пайдалануға ниетті. Осы ретте Argus Media Қазақстан мұнай экспортының диверсификациясына қатысты талдауын жария етті.

Олардың пайымдауынша, өткен жылдың басты маңызды факторлары қатарына – КТК бойынша мұнай жөнелтудің тәуекелін, Қазақстанда, соның ішінде Теңізде өндірістің өскенін, ресейлік мұнайға салынған санкцияны, Urals-қа (Ресей мұнай сорты) қатысты жеңілдіктің күрт артуы (яғни, күрт арзандауы), қазақстандық KEBCO сортының ашылуын, экспорттаушылардың Ресейді айналып өте...

Мерекелер туралы заңға сәйкес, 2023 жылдың мамыр айында қазақстандықтар үш мереке – 1, 7 және 9 мамырды атап өтеді, деп хабарлайды Uchet.kz.

Үш мереке де – мемлекеттік мереке және ол күндері демалыс.

1 мамырда қазақстандықтар Халық бірлігі күнін тойлайды. Мереке дүйсенбіге түсетіндіктен, бес күндік жұмыс аптасымен істейтіндер – 29, 30 сәуір және 1 мамыр 3 күн демалады.

Отан қорғаушылар күні – 7 мамыр жексенбіге сәйкес келетіндіктен, демалыс күні 8 мамырға ауыстырылады. Ал 9 мамыр Жеңіс күні ретінде тойланады. Демек, қазақстандықтарды ұзақ демалыс – 6, 7, 8 және 9 мамыр күтіп тұр.

Жалпы, мамыр айында бес күндік жұмыс аптасында...

Фото: kursiv.media

Қазақстан үкіметі «Ауылдық аумақтарды дамытудың 2023-2027 жылдарға арналған тұжырымдамасын» бекітті. ҚР Премьер-Министрі Әлихан Смайылов тиісті қаулыға қол қойды, деп хабарлайды баспасөз қызметі.

 Ұлттық статистика бюросының мәліметі бойынша, 2023 жылдың басында республикада 6 295 ауылдық елді мекен бар, онда ел халқының 38,2%-ы немесе 7,5 млн адам тұрады.

Тұжырымдама ауылдық аумақтардың географиялық ерекшеліктері мен артықшылықтарын ескере отырып, олардың әлеуметтік-экономикалық әлеуетін аша түсуге бағытталған. Оның аясында ауыл тұрғындарының табысы мен тұрмыс сапасын арттыру бойынша түрлі шаралар қарастырылған.

Айта кетейік, Қасым-Жомарт Тоқаев 2022 жылғы қараша айында ҚР Президенті лауазымына кіріскеннен кейін осы Тұжырымдаманы әзірлеу туралы Жарлыққа қол қойды.

Құжатта «Ауыл...

Күніне адам баласы шамамен 2,5 квинтиллион байт түрлі деректі генерациялайды. Интернетте әр ашқан бет, әр басқан батырма сайын дерек пайда болады. Оған видео мен фото қарауды қосыңыз. Ал мұның бәрі бизнес үшін өте пайдалы. Себебі ретсіз, құрылымсыз, шикі деректердің астарында біле білгенге небір қазына жатады. Бар болғаны оларды дұрыс пайдалана білу керек. Бұл орайда компанияларға дата-сайентист көмектеседі. Бүгінгі материалымызда кәсіпте Data Science қаншалықты керек екеніне тоқталамыз. 

Data Science деген не?

Data Science (DS) — статистика, математика, жүйелік талдау және машинаны үйрету секілді деректермен жұмыс істеудің барлық кезеңінен қамтитын  пәнаралық сала. Ол ақпараттың аса үлкен массивтерін зерттейді және талдайды.  Ең маңыздысы...

Монреальда аймақтағы жаңбырдан кейін электр қуатынсыз отырған 135 адам иіс тиіп уланды. Бұл туралы ҚазАқпарат хабарлады.

CBC телеарнасының провинцияның денсаулық сақтау министрлігіне сілтеме жасап хабарлағанындай, 5 сәуірден бері медициналық мекемелерге иіс тиіп уланған 135 адам жеткізілген. Атап айтқанда, адамдар жылынуға және тамақты өздері дайындауға тырысып, үй ішіндегі көмір немесе газ барбекюлерін пайдаланды.

Квебек және Онтарио провинцияларында салқын жаңбыр сәрсенбі күні жауған. Салдарынан 1 млн астам тұрғын үй мен басқа ғимараттар электр жарығынсыз қалған. Табиғи апаттан зардап шеккендердің барлығына электр энергиясы тек дүйсенбіде беріледі деп шамалануда.

Тараздағы 2681 үй мүлдем газдандырылмаған. Бұл туралы Тараз қаласында 2022-2023 жылдардағы жылыту маусымына дайындық барысы талқыланған брифингте шаһар басшысының орынбасары Нұрбол Қалдыбаев мәлімдеді. Бұл туралы ҚазАқпарат хабарлады.

«Жалпы, жылыту маусымы кезінде тұтынылатын көмірдің көлемі қала аумағындағы газдандырылмаған тұрғын үйлер санына қарай есептеліп отырады. Ал олардың саны бүгінгі таңда – 2681. Әр тұрғын үй орта есеппен 5 тонна көмір пайдаланады деп есептегенде, 2023-2024 жылдардағы жылыту маусымында қажетті көмірдің көлемі 13405 тонна»-деді Тараз қаласы әкімінің орынбасары.

Ал, жылу желілерін сапалы сығымдау және келесі жылыту маусымына дайындау үшін 30 күн қажет. Дайындық жұмыстары мамыр, маусым айларында басталады...

Қытай АҚШ-тың Гудзон институты мен Рейган кітапханасына санкция салды. Бұл туралы Хабар 24 хабарлады.

Бейжің оларды «бір Қытай принципін» бұзды деп айыптады. Бұл үшжақты келісімге қайшы келеді, делінген Сыртқы істер министрлігінің ресми мәлімдемесінде.

Қытайлық университеттерге Гудзон институтымен және Рейган кітапханасымен ынтымақтастық орнатуға тыйым салынды. Тіпті студенттік алмасуға  да рұқсат жоқ. Бұдан бөлек, аталған мекемелердің 4 жетекшісі Қытайға кіре алмайды. Және елдегі мүліктері бұғатталады. 

Астана қаласы Сарыарқа аудандық сотының Тәжікстан Республикасының 26 ​​жастағы азаматына қатысты айыптау үкімі заңды күшіне енді. Бұл туралы ҚазАқпарат ҚРТерроризмге қарсы күрес орталығының баспасөз қызметіне сілтеме жасап хабарлады.

Халықаралық лаңкестік ұйымдардың идеологиясын насихаттағаны үшін сотталған «М» өз бетінше астаналық діндарларды «қарулы жиһадқа» қатысуға үндеген.

Сонымен қатар, ол өз әрекетінің заңсыздығын түсініп, лаңкестерге қаражат жіберген.

Елордалық соттың үкімімен шетел азаматы Қазақстан Республикасы Қылмыстық кодексінің 256 және 258-баптары «Терроризмді насихаттау», «Терроризм қызметін қаржыландыру» бойынша кінәлі деп танылып, 5 жыл 6 айға бас бостандығынан айырылды.

Астанада 7 сәуір, жұма күні шахматтан әлем чемпионаты басталды, деп хабарлады ҚР Мәдениет және спорт министрлігінің баспасөз қызметі.

Қасым-Жомарт Тоқаев чемпионатқа қатысушылар мен қонақтарды барлық спорт әуесқойлары үшін осы маңызды шараның басталуымен құттықтады. Құттықтау хатты ҚР МСМ басшысы Асхат Оралов оқыды.

Чемпионат 1 мамырға дейін жалғасады. Әлемнің жетекші шахматшылары Ян Непомнящий мен Дин Лижен әлемнің абсолютті чемпионы атағына таласады. 17-19 сәуірде «Әлем құрамасынан» рапид пен блиц бойынша қазақстандық шахматшылардың матчтары өтеді.

Министр Қазақстан астанасындағы әлем чемпионаты осы спорт түрін дамытудағы маңызды кезең болатынына сенім білдірді.

2022 жылы Қазақстан мен Әзербайжан арасындағы темір жол көлігімен тасымалдаудың жалпы көлемі 2021 жылмен салыстырғанда 4 есеге өсіп, 3 млн тоннадан асты. Астық, тау-кен металлургия өнімдерін тасымалдаудың өсуі байқалды. Ең жоғары өсім-Қазақстаннан, оның ішінде Әзірбайжан арқылы экспорт 7 есені көрсетіп,  2,7 млн тоннаны құрады. Бұл туралы «Қазақстан темір жолы» ҰК» АҚ баспасөз қызметі хабарлады.

2023 жылдың 1 тоқсанында елдер арасындағы тасымалдар да оң серпінді көрсетіп, өткен жылдың сәйкес кезеңімен салыстырғанда 40% астамға ұлғайды.

ТХКБ қатысушылары арасындағы операцияларды синхрондау мақсатында Әзербайжан тарапымен бірлесіп қозғалысты жоспарлау және үйлестіру үшін виртуалды диспетчерлік орталық құрылды, бұл жүктердің қозғалысы туралы еларалық ақпарат алмасуды жақсартуға...

Тель-Авивте 7 сәуір, жұма күні кешке жергілікті уақыт бойынша сағат 21:50 шамасында (Астана уақыты бойынша 00:50) террорист автокөлікпен туристер тобына шабуыл жасалды. Оқиға салдарынан бір турист қаза тауып, жеті адам жараланды, деп хабарлайды Newsru.

Автокөлік Чарльз Клор саябағында серуендеп жүрген туристер тобын қағып кеткен. Осыдан кейін көлік аударылып, жүргізуші қаруды алуға тырысты. Жақын маңдағы полицейлер оқ жаудырды. Басылымның хабарлауынша, кейінірек террорист ойыншық мылтықпен қорқытқаны белгілі болды.

Дәрігерлер бір адам қаза тауып, жеті адам зардап шеккенін хабарлады. Италия СІМ – де шабуыл нәтижесінде итальяндық азамат-36 жастағы Алессандро Парини қайтыс болғанын растады.

Автокөлікте 45 жастағы Юсуф Әбу Джабр болған. Ол Араб...

2023 жылдың бірінші тоқсанында ҚТЖ желісі арқылы 61,5 млн тоннадан астам жүк тасымалданды. Қазақстан бойынша 39,3 млн тонна, ал экспортқа 22,2 млн тоннасы жөнелтілді. Тарифтік жүк айналымы өткен жылдың сәйкес кезеңімен салыстырғанда 7% өсті және 64,4 млрд тонна-км құрады. Транзиттік қатынаста ол 34,3% ұлғайды. Бұл логистиканың өзгеруіне және тасымалдау ауқымының артуына байланысты мүмкін болды. Бұл туралы «Қазақстан темір жолы» ҰК» АҚ баспасөз қызметі хабарлады.

Әлеуметтік маңызы бар жүктерді (көмір мен астықты) тасымалдау ҚТЖ-ның ерекше бақылауында қалады. 2023 жылдың қаңтар-наурыз айларында теміржолмен 28,5 млн тонна тас көмір тиелсе, қазақстандықтарға 20,3 млн тоннасы жеткізілді. Экспортқа 8,2 млн тонна қатты отын жөнелтілді.

Бірінш...

ҚР Сауда және интеграцияның бірінші вице-министрі Арман Шакқалиев Пәкістан Ислам Республикасының Лахор қаласында Қазақстанның құрметті консулы Рао Халид Махмуд бастаған пәкістандық бизнес-делегациямен кездесті. Тараптар сауда-экономикалық өзара қарым-қатынастарды кеңейту мүмкіндіктерін, сондай-ақ бірлескен перспективалық жобаларды іске асыруды талқылады, деп хабарлайды ҚР Сауда және интеграция министрлігі.

Арман Шаққалиев атап өткендей, Пәкістан Қазақстанның маңызды сауда серіктесі болып табылады.

«Біз Исламабадта қазақстандық сауда үйінің ашылуына үлкен үміт артып отырмыз. Негізгі міндет – елдеріміз арасындағы тауар айналымын арттыру. Қазіргі геосаяси жағдайда азық-түлік қауіпсіздігі мәселелері бірінші орынға шығады. Қазақстандық компаниялар Пәкістан нарығына 80-ге жуық тауар, атап айтқанда, азық-түлік өнімдері мен ауыл шаруашылығы техникасын...

Ұлттық экономика министрі Әлібек Қуантыров ҚР-дағы әлеуметтік кәсіпкерлікті дамыту мәселесі бойынша Әлеуметтік инноваторлар қауымдастығының (ӘИҚ) мүшелерімен кездесу өткізді. Іс-шараға қауымдастық басшысы Эмин Әскеров, «Атамекен» ҰКП-ның әлеуметтік кәсіпкерлікті дамыту жөніндегі қосалқы комитеттің төрағасы Әйгерім Жаналинова және ӘИҚ басқа мүшелері қатысты.

Кездесу ашық пікірталас форматында өтті. Жиынға қатысушылар елдегі әлеуметтік кәсіпкерліктің қазіргі жай-күйі мен одан әрі даму перспективаларын талқылады.

ҰЭМ басшысы атап өткендей, Қазақстанда әлеуметтік кәсіпкерлікті мемлекеттік қолдау шараларының кең ауқымы қарастырылған, оның ішінде салықтық жеңілдіктер, қаржылық және ақпараттық қолдау.

Оның айтуынша, ағымдағы жылдың ақпан айынан бастап әлеуметтік кәсіпкерлер үшін Кәсіпкерлікті дамыту жөніндегі ұлттық жоба шеңберінде мемлекеттік қолдау шаралары ұсынылды.

Тиісті Тізілімге енгізілген...

 Қазақстан Оңтүстік Кореяда өткен KOPIST 2023 (Кореяның тұрақты туризм бойынша әріптестік бастамасы) форумына қатысты. Іс-шараны Кореяның Мәдениет, спорт және туризм министрлігі мен Корея туристік ұйымы ұйымдастырды. Форумға қазақстандық туризм саласының өкілдерімен қатар Филиппин, Индонезия, Вьетнам, Парагвай, Лаос және т. б. елдердің мамандары қатысты. Бұл туралы ҚР Орталық коммуникация қызметі хабарлады.

Жиында елімізді ҚР МСМ Туризм индустриясы комитетінің төрағасы Дастан Рыспеков таныстырды. Панельдік талқылау барысында ол туристік нарық құрылымындағы негізгі өзгерістер және демалушылардың сұранысына ие бағыттар мен қызмет түрлері туралы айтты.

Қазақстанда қабылданған туризм саласындағы кәсіпкерлерді мемлекеттік қолдау шаралары мен eQonaq ақпараттық жүйесі шетелдік мамандардың ерекше қызығушылығын тудырды.

Бүгінде Қазақстанда...

Фото:shutterstock.com

ChatGPT нұсқалары жаңарған сайын, таңырқаудан шаршамаймыз. Өйткені нейрон желісінің мүмкіндіктері өсіп келеді. Әрине, адам өмірін жеңілдететін, технология саласының қарқынды дамуының көрсеткіші болатын бұл жаңалықтың жақсы тұсы жетерлік. Бұған дейін «Атышулы ChatGPT жасанды интеллектісінің қандай мүмкіндіктері бар?» деген материалымызда AI жайлы толығырақ жазғанбыз.  Бүгін одан төнуі мүмкін қауіптерді тізіп шыққымыз келіп отыр.

Ауызашарға мемлекет және қоғам қайраткерлері, ғалымдар, дәрігерлер мен мұғалімдер, этномәдени бірлестіктердің өкілдері, дипломатиялық өкілдіктердің басшылары, мәдениет қайраткерлері, құтқарушылар мен еңбек адамдары шақырылды. Бұл туралы Ақорда баспасөз қызметі хабарлады.

«Баршаңызды қасиетті Рамазан айымен құттықтаймын. Ораза қабыл болсын! Рамазан айы – күллі мұсылман қауымы үшін ерекше уақыт. Жамағат осы айда ізгі амалдар жасап, мол сауапқа кенеледі. Біз былтыр Ақордада алғаш рет арнайы дастарқан жайып, ауызашар бердік. Бұл бастама өз жалғасын табуда. Бүгін менің атымнан әрбір облыста жұртшылыққа ауызашар беріліп жатыр», – деді Президент.

Әлеуметтік нысандар алдағы екі жылда ел игілігіне берілуге тиіс. Бұл туралы Хабар 24 Үкімет басшысының орынбасары Алтай Көлгінов мәлімдемесіне сілтеме жасап хабарлады.

Өңірдің экономикалық-әлеуметтік дамуында атқарылып жатқан жұмыстармен танысқан Көлгінов туризм саласына инвестиция тарту, демалыс аймақтарының инфрақұрылымын жақсарту мәселесіне аса мән беру керектігін айтты. Сонымен бірге ауыл жастарына жағдай жасалу керектігін ескертті. Келесі жылдан бастап ауылға еңбек етуге барған  жас мамандарға берілетін бір реттік  көтерме ақы 10 млн теңгеге дейін көтерілмек. Облыста сапалы медициналық қызмет көрсету, білікті дәрігерлер жетіспеушілігі сынды өзекті мәселе бар.

«Ауылдық ауруханаларға замануи емдеу құралдары жетіспейді. Оған қыруыр қаржы қажет. Бірақ денсаулық саласын басты назарда...

Жыл басынан бері Ресей рублі өз позициясын жоғалтып, көптеген әлемдік валюталарға ғана емес, теңгеге де арзандады.

1 қаңтардан 7 сәуірге дейін Ресей рублі долларға қатысты бірден 10% – ға арзандады.

Қазір рубльдің қаншалықты әлсірейтінің  болжау қиын, өйткені валютаға аталған факторлардың қысым деңгейі олардың масштабына байланысты. Алайда, қазірдің өзінде жылдың соңына дейін Ресей валютасы өз позициясын бір АҚШ доллары үшін 82,4 рубльге дейін әлсірететіні анық.

Неліктен рубль арзандады

Экономист Жарас Ахметов қазіргі уақытта рубль бағамына әсер ететін екі фактор бар екеніне сенімді – нарықтық және әкімшілік. Бірақ екіншісі, оның пікірінше, күштірек.

«Экспорттық кіріс төмендеді, соғысқа бюджет шығындары өте жоғары. Бұл әкімшілік...

Бұл әлеуметтік жоба ауылдық жерлерде тұратын жастардың мемлекеттік бағдарламалардан хабардарлығын арттыруға мүмкіндік бермек.

«Ауылдық аумақтарда жастар кәсіпкерлігін дамытуға жәрдемдесу» гранттық жобасын «Қазақстанның экологиялық қоры» қоғамдық қоры іске асырады. Жоба шеңберінде республиканың 17 өңірінде жұмыспен қамту және кәсіпкерлікті, қоғамдастықты дамыту бағытындағы мемлекеттік қолдау шараларына арналған ақпараттық бұрыштар мен ақпараттық ресурс құрылатын болады.

«Біз ауыл жастары арасындағы әлеуметтік кәсіпкерлердің іскерлік белсенділігін арттыруға бар күш-жігерімізді жұмсауға ниеттіміз. Бұл ауылдардағы табысты әлеуметтік тәжірибелерді анықтауға және оларды республикалық деңгейге шығаруға мүмкіндік береді.

Жобаны іске асыру барысында еліміздің барлық өңірлерінде біз кәсіпкерлікті дамытуды мемлекеттік және жеке қолдау шаралары түсіндірілетін бұрыштарды ұйымдастырамыз. Сондай-ақ, аудан орталықтарында NEET санатындағы...

Энергетика министрлігі «ҚазМұнайГаз» ҰК» АҚ, «Petrosun» АҚ, АЖҚС ірі желілері («Helios», «Газпромнефть-Қазақстан», «PetroRetail» және «Sinooil») өкілдерінің қатысуымен Алматы облысын жанар-жағармай материалдарымен іркіліссіз қамтамасыз ету мәселелері бойынша кеңес өткізді.

7 сәуірдегі жағдай бойынша Алматы облысы бойынша дизель отынының қоры 11 мың тоннадан асады. АЖҚС желілерінің өкілдері атап өткендей, оларда бар дизель отынының қоры халықты іркіліссіз қамтамасыз ету үшін жеткілікті.

Сонымен қатар АЖҚС желілерінің ақпараты бойынша дизель отынына сұраныстың артуы байқалады (30%-дан астам), соның салдарынан кейбір жанармай құю бекеттерінде отынның тәуліктік көлемі тез таусылуда. Шымкент МӨЗ жөндеуге тоқтауына байланысты өңірге мұнай өнімдерін жеткізу бойынша шектеулер болды.

Сондықтан желілер басшылығы отынды көп тұтынатын...

Қазақстанның Сыртқы істер министрінің орынбасары Роман Василенко катарлық Al Jazeera телекомпаниясына сұхбат берді. Ол Қазақстанның Украинадағы соғысқа қатысты ұстанымы және Киевке гуманитарлық көмек туралы айтты.

«Біз өз ұстанымымызды нақты белгіледік. Біз тек дипломатиялық әдістерді қолдана аламыз. Ресейдің көршісі ретінде және Ресеймен байланысын жалғастыратын ел ретінде бұл ұстаным барлық серіктестерімізге түсінікті», – деді СІМ басшысының орынбасары Al Jazeera-ға Қазақстан соғысты тоқтату үшін үлкен әсер ете ала ма деген сұрағына.

Василенко сонымен қатар, Қазақстан Херсон, Луганск, Донецк және Запорожье облыстарының аумақтарын ресейлік деп танымайтынын атап өтті.

Біз барлық мемлекеттердің, соның ішінде Украинаның аумақтық тұтастығын жақтаймыз...