Жаңалықтар

Шымкентте білім саласында 2 063 жұмыс орны бос. Оның 1 165-і мектептерге тиесілі. Қала әкімінің орынбасары әрі ресми өкілі Сәрсен Құранбектің «Көрме» орталығында өткен баспасөз мәслихатында айтуынша, педагогтың апталық жүктемесі – 16 сағат. Еңбек кодексімен бір жарым ставкада жұмыс істеуге рұқсат етіледі. Яғни, мұғалімнің апталық сағаты 24 сағаттан аспауы керек. Дегенмен қалада заң талаптарын белден басқан мектептер анықталған.

«83 мектепте 1286 педагогтың жүктемесі артық болған. 2 мыңға жуық жасырып және жарияланбаған бос жұмыс орны болған. Жалақысы төмен, кіші қызметкерлерге өңірлік үстеме беріледі. 211 мекемеде 2845 қызметкерге осы үстемені беру тәртібі бұзылған. Кейбіріне мүлде берілмеген, енді біріне...

Қазақстан-Қытай шекарасындағы автомобиль өткізу пункттері 16-18 ақпан аралығында жұмыс істемейді, деп ескертті Мемлекеттік кірістер комитеті.

Бұл күндері адамдарды, көлікті және жүктерді өткізу бекеті арқылы өткізбейді. Бұл ретте елдер шекарасындағы теміржол өткізу пункттері штаттық режимде жұмысын жалғастырады.

Шектеулер Қытайдағы көктем мерекесіне байланысты болып отыр. Бұл ай күнтізбесі бойынша атап өтілетін жаңа жыл. Суық ауа райының аяқталуын, көктемнің басталуын және егіс жұмыстарын атап өтетін отбасылық мереке.

Тасымалдаушылардан және шекарадан өтуге ниет білдіргендердің барлығынан енгізілген шектеулерді ескере отырып, маршрутты алдын ала жоспарлауды сұрайды.

Республика бойынша қызылша ауруы жиі тіркелуде. Денсаулық сақтау министрлігінің ақпаратына сүйенсек, аурудың өршуінің басты себебі екпе алмағандардың көп болуы.

Щучинск әскери колледжіндегі жағдай

Бүгінгі таңда Ақмола облысы Денсаулық сақтау басқармасының басшысы Нариман Ермековтің айтуынша, ауруханада кадет корпусының 71 оқушысы болған.

Үш курсант реанимацияда болды. Қазіргі уақытта екеуі реанимация палатасына, үшіншісі жалпы бөлімге ауыстырылды. Ауруханаға жатқызылғандардың өмірі мен денсаулығына қауіп жоқ.

Қызылша диагнозы 24 адамда расталды, қалғандары ЖРВИ-дан емделеді. Колледждің өзінде карантиндік аймақ ұйымдастырылды.

Шоқан Уәлиханов атындағы Қорғаныс министрлігінің колледжінде қызылшаның өршуі туралы 27 қаңтарда белгілі болған. Содан кейін ауруды 66 адам жұқтырғаны хабарланды.

Астанада 600-ден астам науқас бар

Нұрсұлтан Назарбаевтың немере інісі Қайрат Сатыбалды – мемлекетке элиталық қонақүй ғимаратын қайтарды. Нысан 2023 жылы салынған. Алматыдағы Есентай өзенінің жағасындағы Қастеев мұражайының жанында орналасқан. Енді бұл ғимаратта қалалық сот болады, деп хабарлады «Власть«.

Ғимарат Алматы қаласы бойынша Сот әкімшілігі департаментінің иелігіне өткен. Әзірге ғимараттағы инженерлік желілердің техникалық жағдайын және алдағы жөндеу жұмыстарына арналған ғимараттың құрылымдық элементтерін тексереді.

Қонақүй 2017 жылы құрылысы бітіп тапсырылған. Бірақ әрлеу жұмыстары аяқсыз қалған. 2022 жылдың қыркүйегінде ғимарат «Крыша» сайтында 5,2 млрд теңгеге сатылымға шығарылып, кейіннен бағасы 4,74 млрд теңгеге дейін төмендеді.

Былтыр 20 наурызда қонақүй ғимаратында өрт болды. Нысанның төбесінен қара түтін көрінген. Алайда...

Air Astana Алматы-Шанхай-Алматы жаңа тұрақты бағыты бойынша авиабилет сату басталғанын хабарлады. Рейстер 2026 жылдың 29 наурызынан бастап орындалады, деп хабарлайды авиакомпанияның баспасөз қызметі.

Алматыдан рейс сейсенбі, бейсенбі және жексенбі күндері сағат 19:10-да болып, Шанхайға келесі күні сағат 04:25-те келеді деп жоспарланған. Алматыға қайтатын рейс дүйсенбі, сәрсенбі және жұма күндері: Шанхайдан ұшу — 05:40, Алматыға қону — 10:15.

«Рейсте Airbus a321lr заманауи лайнерлері қызмет көрсетеді. Жол жүру уақыты Шанхай бағытында 6 сағат 15 минутты және кері бағытта 7 сағат 35 минутты құрайды», – делінген хабарламада.

Эконом-класс үшін Алматыдан Шанхайға барып-қайту авиабилетінің ең төменгі құны...

Футболдан Қазақстан ұлттық құрамасының бас бапкері қызметіне Талғат Байсуфиновтің тағайындалды.

Ол 2016-2017 және 2020-2022 жылдар аралығында ұлттық құраманың бас бапкері болған. 2025 жылдың қазанынан бастап бас бапкер міндетін атқарушы болды.

Байсуфиновтың жетекшілігімен команда 2026 жылғы Әлем чемпионатының іріктеу кезеңінде бірқатар матч өткізді. Қазақстан ұлттық құрамасы Лихтенштейнді 4:0 есебімен жеңіп, Солтүстік Македония (1:1) және Бельгия (1:1) құрамаларымен тең түсті.

Әр жылдары «Есіл-Богатырь» (Петропавл), «Ақсу», «Ертіс» (Павлодар), «Ақжайық» (Орал) клубтарын басқарған.

Ақтауда оқушылар сауда ойын-сауық орталығында төбелесті. Содан кейін олар ата-аналарымен бірге полицияға жеткізілді.

«Полиция кәмелетке толмағандармен және олардың заңды өкілдерімен профилактикалық әңгіме жүргізді. Оқиғаның мән-жайы зерделеніп, қажетті материал жиналды.

Кәмелетке толмаған жасөспірімнің анасы балаларды тәрбиелеу және оқыту жөніндегі міндеттерді тиісінше орындамағаны, сондай-ақ ұсақ бұзақылық жасағаны үшін әкімшілік жауапкершілікке тартылды», – деп хабарлады полиция.

Осы дерек бойынша материал кәмелетке толмағандардың істері жөніндегі комиссияға жолданып, тиісті шешім қабылдау үшін қаралып жатыр.

Жасөспірім профилактикалық есепке алынды.

Бұған дейін Оралда оқушылардың видеосынан кейін қылмыстық іс қозғалды.

Ресейлік миллиардер Әлішер Османов Frankfurter Allgemeine Zeitung неміс газетіне қарсы сотта жеңіске жетті. Бұл туралы Reuters хабарлайды.

Агенттік мәліметінше, Гамбург соты мұндай шешімді 23 қаңтарда шығарған. Тегі өзбек миллиардер газетті жалған ақпарат жариялағаны үшін сотқа тартқан. Сот 2023 жылғы сәуірде «Кремльдің нұсқауымен» атты мақаладағы бірнеше мәліметті тараттуға тыйым салды.

Bloomberg Османов дәулетін 18,8 млрд долларға бағалаған. Кәсіпкер Еуропа одағы мен АҚШ санкцияларына іліккен. Миллиардер шектеуді алып тастау үшін Еуропада бірнеше мәрте сотқа шағым түсірген. Сотта оның адвокаттары баспасөзде жарияланған мәліметтердің санкцияға негіз болғанын алға тартып, оларды басқан БАҚ-тардың өзін сотқа берген.

Reuters өткен айда Германия Османовпен сыртқы сауда...

2025 жылы Қазақстанда мейрамхана мен дәмханаларға келушілердің шағымы екі еседен асып, 2 904 өтінішке жетті. Ал 2024 жылы бұл көрсеткіш 1 430 болған. Бұл туралы Тұтынушылардың құқықтарын қорғау комитеті хабарлады.

Қандай шағымдар көп

Келушілер көбіне әдепсіздік таныту және сапасыз қызмет көрсету, бұзылған тағам, санитарлық талаптардың сақталмауы, сондай-ақ мемлекеттік тілде мәзірдің болмауына қатысты шағымданған.

Жалпы алғанда, 2025 жылы комитетке және оның аумақтық департаменттеріне 83 801 өтініш түскен. Бұл 2024 жылмен салыстырғанда 34 %-ға көп (62 561). Өтініштерді қарау нәтижесінде тұтынушыларға 2,8 млрд теңге қайтарылған.

Ең көп шағым бөлшек сауда саласына тиесілі – 35 159 өтініш. Негізінен тауарды айырбастау...

Instagram-да 2 миллионнан астам оқырманы бар Мадина Мамадалиева (Мадлен – авт.) дәл қазір Францияның Куршевелінде демалып жүр. Француз альпісінің тау-шаңғы курортында түскен суреттерін бөлісіп қана қоймай, Парижде жарнама баннерінде бейнесі жарқырап тұрғанын да салды. 

Мадленнің Куршевелге барғанына бір аптадай уақыт болды. Stories-те күн сайын курорттан сурет-видеолар салып жүр. Әсіресе, шаңғыға арналған арнайы киіммен түскен суреттеріне оқырман тамсанып жатыр. «Superwoman», «Сондай сәнқой қызсың» деп жазып жатқандар аз емес. 

Курорттағы демалыстың ұнап жатқаны сонша, дәмді тамақты да Мадина жиі салады. Тіпті бір суретіне «аяғым қандай болып кеткенін қараңдаршы. Болды, барған соң арықтаймын» деді әзілдеп. Мадлен франциялық брендімен коллаборация жасағанын да сүйіншіледі.

Тоқаев Ақордада IT-кәсіпкерлер Ерзат Дулат пен Мұрат Әбдірахмановты қабылдады.

Ерзат Дулат – Higgsfield AI стартапының техникалық директоры, ал Мұрат Әбдірахманов – MA7 Ventures венчурлік платформасының негізін қалаушы.

Президент Higgsfield AI стартапының жетістігін жоғары бағалап, ЖИ саласындағы жаһандық компанияның құрылуы зор табыс екенін айтты. Ерзат Дулаттың сөзінше, стартап командасының 95 пайызы қазақстандықтардан құралған.

Мұрат Әбдірахманов венчурлік индустрия мемлекеттердің технологиялық дамуының тетігі саналатынына тоқталды. Ол Қазақстанның жаһандық венчурлік индустрияның қатысушысы болуға әлеуеті жетеді деп атап өтті.

Осы жылдың басында отандық unicorn Higgsfield AI 200 млн доллар табыс тапты. Қазақстандағы топ-20 стартап рейтингі бойынша, бірінш...

Алматыда 16 жастағы жасөспірім шатырдан құлап, қайтыс болды. Бұл ақпаратты Алматы қалалық полиция департаменті хабарлады.

«Аталған іс бойынша Бостандық ауданы полиция бөлімшесі іс қозғалды. Жағдай себебі анықталып жатыр», – деді полиция департаментінен.

Қайғылы жағдай Розыбакиев-Сәтпаев көшелерінің қиылысында болған. Куәгерлердің сөзінше, бозбала артынан хат жазып қалдырған.

Осыған дейін Шымкентте ер адам 16-қабаттан құлап қайтыс болған еді. Полиция суицид фактісімен сотқа дейінгі тергеп-тексеру бастады.

Конституциялық сот төрағасының орынбасары Бақыт Нұрмұханов елде құрылатын «Халық кеңесі» жұмысына қатысты Ата заңға жеке бап енгізуді ұсынды.

Айтуынша, жоғары консультативті орган Қазақстан халқының мүддесін қорғайды.

«Халық кеңесіне» «Құрылтайға» заң жобаларын енгізу, республикалық референду тағайындау туралы ұсынысқа бастама жасау өкілеті беріледі», – деді Нұрмұханов.

Бұған дейін президент жаңа орган – Халық кеңесін құруды тапсырды. Жаңа құрылым Қазақстан халқы Ассамблеясы мен Ұлттық құрылтайдың функцияларын біріктіреді.

Қазақстандықтардың мойнындағы тұтынушылық несие бір жылда 20%-ға өскен. 2025 жылдың басында халық екінші деңгейлі банктерден 13,7 трлн теңге тұтынушылық несие алса, 2026 жылдың басында бұл қарыз 16,7 трлн теңгеге жеткен.

Ипотекалық қарыз 6 трлн теңгеден 6,9 трлн теңгеге дейін өсті. Басқа мақсатта алынған борыш 847 млрд теңгеден 1,2 трлн теңгеге жетті.

Нәтижесінде халықтың банктердің алдындағы борышы бір жылда 4,1 трл теңгеге артып, 24,8 трлн теңгені құрады. Халықтың алған кредиті кәсіпкерлерге берілген несиеден асып кетті.

Ұлттық банк статистикасына сәйкес, соңғы бір жылда Қазақстанның банк секторы экономиканы несиелеу қарқынын айтарлықтай үдеткен. 2025 жылдың басында экономикаға берілген...

Сауд Арабиясы мен БАӘ Трампқа көмектесуден бас тартты. Бұл жайлы The Wall Street Journal жазады.

Сауд Арабиясы мен БАӘ Вашингтонның Парсы шығанағындағы басты серіктестерінің бірі деп саналатын. Бірақ дәл осы жолы Ақ үйдің Иранға соққы жасау мүмкіндіктеріне шек қойып отыр.

Екі ел АҚШ-қа өз аумақтары арқылы Иранға шабуыл жасауға келіспеген. Бұл жайлы Сауд Арабиясының ханзадасы Мұхаммед ибн Салман айтты. БАӘ-нің сыртқы істер министрі де осындай көзқарасын білдірді.

Бүгін таңертең ғана АҚШ президенті Дональд Трамп америкалық кемелер армадасының Иранға қарай жүзіп келе жатқанын мәлімдеген. Вашингтон әскери күш арқылы Тегеранға қысым жасап, келісімге келуді талап етіп отыр.

Шымкентте «балаға ине сұғып, ұрып-соғып, қысым жасады» деген күдікке ілінген №59 «Айша» мемлекеттік балабақшасының тәрбиешісі жұмыстан шығарылды. Онымен бірге тәрбиешінің көмекшісі мен мұндай тәртіпсіздікке жол берген балабақша меңгерушісі қызметтен шеттетілді.

Дауға себеп болған балабақшадағы оқиғаның видеосы 3 күн бұрын түсірілгені анықталды. Қалалық білім басқармасы оқиғаға қатысты жедел кеңес өткізген. Оған «баламды ұрып-соғып, ине тығып, психологиялық қысым көрсетті» деп шағымданған ата-ана да қатысқан. Ол баланың денесінде жарақат іздері жоқ екенін, оған сараптама жүргізуге қарсы екенін айтқан. Ал білім басқармасы оқиға болған №59 «Айша» мемлекеттік балабақшасын тексеруді бастаған. Басқарманың дерегінше, баланы ұрып-соғу бойынша өзге ата-аналардан шағым түспеген.

Полиция ата-аналарды...

Алматы облысының прокуратурасы жер қатынастары саласында заңдылықтың бұзылғанын анықтады.

Tengrinews.kz  ақпаратына қарағанда, тексеру барысында жергілікті атқарушы органдардың жалған шешімдер қабылдағаны белгілі болды.

Қарасай ауданындағы жердің мақсаты заңсыз өзгертілген

Қарасай ауданында жалпы көлемі 5 гектар ауыл шаруашылығы мақсатындағы жерлердің нысаналы мақсаты әкімдіктің жалған шешімдері негізінде заңсыз өзгертілгені анықталды. Кейін бұл аумақ 83 жеке жер учаскесіне бөлінген.

Прокуратураның талап арызы бойынша Қарасай аудандық соты жергілікті атқарушы органдардың жалған шешімдерін заңсыз деп танып, олардың күшін жойды. Осылайша мемлекет мүддесі қалпына келтірілді.

Іле ауданындағы жалған әкімдік шешімі

Осыған ұқсас жағдай Іле ауданында да тіркелді. Онда әкімнің жеке тұрғын үй құрылысына жер...

Глюкоза деген лақапатпен өнер көрсететін ресейлік орындаушы Наталья Чистякова-Ионова әлеуметтік желідегі парақшасына Қазақстанда өтеді деп жоспарланған концерттерінің болмайтынын жазды. 

Әнші Instagram желісіндегі парақшасының stories бөліміне осындай жаңалықты бөлісті.

«Сүйікті Қазақстан жұрты! Сіздерге көңілсіз хабар айтқалы тұрмын. Алматыда 07.02.2026 күні, Астанада 08.02.202, күні өтеді деп жоспарланған концерттерім өтпейтін болды. Ұйымдастырушы менің командаммен және букиң агенттікпен байланысқа шықпай қойды. Мәселені реттеу үшін қолдан келгеннің бәрін істедік. Бірақ жағдай осындай болып тұр», – деп жазды ол. 

Оған қоса ұйымдастырушыларға ренжігенін байқатып, агенттіктің атын атап тұрып, «бұл агенттікпен жұмыс істемеңіздер» деді. Билеттердің ақысын қайтару үшін алған жерге хабарласу керегін...

Астана қаласында қызылша жұқтырған балалар әлі де анықталып жатыр. Бір айда елордада 622 науқас бала анықталды. Қызылшамен ауырған балалардың көбі уақытылы вакцина алмаған. Бұл туралы Kursiv.Media қала әкімдігінің мәліметіне сүйене отырып хабарлайды.

2026 жылғы қаңтарда Астанада 498 бала ауруханада емделді. Қазір мұнда 85 науқас ем қабылдап жатыр. Бір бала реанимация бөлімшесіне түсті.

Соған байланысты қала билігі қосымша иммундау, вакцина салу жұмыстарын белсенді түрде жүргізіп жатыр. Дегенмен 14 жасқа дейінгі науқастар арасында әлі де вакцина алмағандар көп.

«Бұл аурудың алдын алу, иммундау шараларын одан әрі күшейту қажеттігін көрсетеді», – деп таратты әкімдік.

Белгілі театр және кино актері Анатолий Креженчуков дүниеден өтті. Ол 75 жаста болған. Қайғылы хабарды Михаил Лермонтов атындағы орыс драма театры мәлімдеді.

Актер ұзақ уақыт бойы ауыр науқаспен күрескен.

Анатолий Креженчуковтың шығармашылық жолы 1973 жылы Құрманғазы атындағы өнер институтының актерлік факультетін тәмамдағаннан кейін басталған. Сол жылы ол Михаил Лермонтов атындағы Мемлекеттік академиялық орыс драма театрының труппасына қабылданып, Арбузовтың «Ескі Арбаттың ертегілері» пьесасы бойынша қойылған спектакльде Кузьма Балясников рөлін сомдаған.

Анатолий Креженчуков 1996-2000 жылдары түсірілген «Тоғысқан тағдырлар» сериалында доктор Платонов рөлімен көпшілікке танылды.

Қырық жылдан астам уақыт ішінде Анатолий Николаевич театр сахнасында жүзден астам жарқын образды өмірге әкелді. Ол Лопе...

Жаңарған Конституция жобасы 11 бөлім, 104 баптан тұрады. Бұл туралы Конституциялық сот төрағасының орынбасары Бақыт Нұрмұханов айтты.

Қолданыстағы негізгі заң преамбула, 9 бөлім, 101 баптан тұрады.

«Ұсынылған жобада преамбула, 11 бөлім, 104 бап қамтылған. Екі жаңа бөлім пайда болды: Халық кеңесі және Конституцияға өзгерістер мен толықтырулар енгізу.

Төрт бөлімнің атауы өзгертілді. «Жалпы бөлім» «Конституциялық құрылыстың негіздері», «Адам және азамат» бөлімі «Негізгі құқықтар, бостандықтар мен міндеттер», «Парламент» бөлімі «Құрылтай», «Соттар және сот төрелегі, прокуратура, адам құқықтары жөніндегі уәкіл» бөлімі «Сот төрелігі. Прокуратура. Құқық қорғау» бөлімі болып тұжырымдалды. 77 бапқа түзетулер дайындалды. Бұл – Конституция мәтінінің 84%-ы...

2025 жылдың қортындысы бойынша Hyundai маркасының 50 868 автокөлігі сатылды. Осылайша ең танымал брендтер ондығында Hyundai көшбасшылығын сақтап қалды.

Hyundai брендінің Қазақстандағы нарықтағы үлесі 21,7% деңгейіне жетті, бұл көрсеткіш Hyundai Motor Company деректеріне сәйкес, бренд ұсынылған барлық елдер арасында (Оңтүстік Кореяны қоспағанда) ең жоғары нәтиже болып саналады.

Қазақстан ресми түрде әлемдік автомобиль нарығының элитасына кіріп, Hyundai жаһандық рейтингісінде 12-орын иеленді. Еліміз абсолюттік сатылым көрсеткіштерінде Италия, Франция, Мексика және Еуропа мен Азияның басқа да ірі дамыған нарықтарын артта қалдырды.

Hyundai модельдерінің қайсысы Қазақстанда көп сатылды

2025 жылы қазақстандықтар арасында ең үлкен сұранысқа ие болған Hyundai Mufasa, Elantra, Santa Fe және

Соңғы күндері Threads әлеуметтік желісінде «Born in Taraz» (Таразда туған) деген тіркес жиі көзге түсіп, Тараз қаласы трендке айналды.

Трендтің мәні – Таразда туғанын ерекше стильмен көрсету. Threads пен Instagram платформаларында тараздықтар өздерінің туған жерін мақтанышпен атап, жылы естеліктерімен бөлісіп жатыр.

Солардың бірі актриса Толқын Нұрбекова Threads желісінде: «Мен Таразданмын, мені де ондай видеоға қосыңдаршы, born in Taraz деген» деп жазды.

Блогер Өркен Кенжебек те бұл трендті айналып өткен жоқ.

Басқада желі қолданушылары Тараздан екендерін жазып, тарихта, қазіргі заманда ежелгі қалада туған атақты адамдарын да жазып жарысып жатыр.

Тараз – екі мың жылдық тарихы бар көне шаһар

Тараз...

Қайғылы оқиға 22 қаңтарда болған. Дәмханада газ баллоны жарылып, өрт тез арада нысанның ішкі және сыртқы қаптамасын шарпыған. Оқиға орнына жеткен өрт сөндірушілер дәмханадан тағы екі газ баллонын сыртқа шығарып үлгеріп, төрт адамның зардап шеккенін хабарлаған.

Зардап шеккендердің үшеуі жансақтау бөліміне жеткізілген. Тағы бір адам орташа дәрежедегі жарақаттармен комбустиология бөлімшесіне жатқызылған.

Бүгін алған жарақатынан екі адамның көз жұмғаны белгілі болды.

«Екі науқас та ауруханаға аса ауыр жағдайда, денесінің кең көлемін күйік шалған күйде жеткізілді. Түскен сәттен бастап жансақтау бөлімінде бейінді мамандардың қатысуымен барлық қажетті мамандандырылған медициналық көмек көрсетілді. Алайда жүргізілген кешенді ем-шараларға қарамастан, науқастар, өкінішке қарай...