Жаңалықтар

Ақтау қаласында жүкті әйелдерді жалған жұмысқа орналастыруға байланысты алаяқтық ісі бойынша сот үкімі шықты. Қаржы қылмысымен 146 млн теңге ұрлаған бухгалтер бес жылға сотталды.

Қаржылық мониторинг агенттігінің мәліметінше, бухгалтер жүкті әйелдерді қолдауға арналған мемлекеттік әлеуметтік төлемдерді заңсыз алу схемасын ұйымдастырған. Ол адам тарту үшін Instagram әлеуметтік желісі арқылы өзін әлеуметтік төлемдерді рәсімдеу жөніндегі маман ретінде таныстырып, жәрдемақы көлемін арттыруға көмектесуге уәде еткен.

«Схеманы жүзеге асыру үшін туыстары мен таныстарының атына нақты қызмет жүргізбеген бірнеше жеке кәсіпкер тіркелген», – деп таратты құзырлы мекеме.

Жеке кәсіпкерлер мен тартылған тұлғалардың электрондық цифрлық қолтаңбаларын пайдаланып, бухгалтер жалған...

Қазақстандағы ең қуатты су электр станциясы – Бұқтырма СЭС-і 2025 жылы тапқан таза табысын толық дивидендке жібермек. Жалғыз акционердің шешіміне сәйкес, компания 7 400 836 782 теңгені дивиденд төлеуге бағыттайды.

Бөлінген қаражаттың 74,5 млрд теңгеден астамы жай акцияларға, ал 2,8 млрд теңгесі артықшылығы бар акцияларға тиесілі.

Бір акцияға шаққандағы жылдық жиынтық дивиденд мөлшері 4893 теңге 01 тиынды құрады. Оның 3562 теңге 69 тиыны бірінші жартыжылдықта төленіп қойған, ал қалған 1330 теңге 32 тиыны екінші жартыжылдық үлесі ретінде беріледі.

Жай акциялар бойынша дивиденд төлеу 2026 жылдың 19 наурызында басталып, 20 сәуірінде аяқталады деп белгіленді. Төлемдер...

Алматы хайуанаттар бағында жыл басында дүниеге келген амур жолбарысының күшіктерінің есімі белгілі болды. Бентли мен Ярганың ұрпақтарына ат таңдауға қала тұрғындары атсалысты деп хабарлайды зообақ өкілдері.

Үшем 11 қаңтарда туды. Осы уақытқа дейін анасының қасында болып, жұрт көзіне түспеген еді. Қазір 2,5 айға толған марғаулар ана сүтін еміп жүргеніне қарамастан, біртіндеп ет жеуге көшкен. Ең бастысы – кішкентай жыртқыштар алғаш рет үлкен вольерге шығарылды.

Жануарлардың мінез-құлқын бақылай келе, «Жыртқыш сүтқоректілер» бөлімінің мамандары оларға Алан, Арлан және Тарлан деген есімдерді берді. Хайуанаттар бағының ұжымы кішкентай жолбарыстардың тағдырына бейжай қарамай, ат қоюға көмектескен барша жандарға алғыс айтады.

Осы жылы наурызда хайуанаттар бағы...

Алаяқтар азаматарды алдаудың жаңа айласын ойлап тапты. Олар өздерін басшы, мемлекеттік органдар немесе жоғары оқу орындарының қызметкерлері ретінде таныстырып, азаматтарды қорқытып, ақша аударуға мәжбүрлеуде. Осыған орай Ішкі істер министрлігі халыққа ескерту жасады.

Ведомство мәліметінше, алаяқтар жалған аккаунттар мен нөмірлерді пайдаланып, адамдарға телефон арқылы немесе мессенджерлерде хабарласады. Содан кейін жедел әрекет етуді талап етеді және психологиялық қысым жасайды.

«Осыдан кейін азаматтарға «мамандар» немесе «құқық қорғау органдарының қызметкерлері» хабарласатыны айтылып, олардың нұсқауларын бұлжытпай орындау талап етіледі. Салдарынан алаяқтар адамдарды ақшасын алып, оны «қауіпсіз шоттарға» аударуға көндіреді. Қаражат қолға түскен соң, байланыс бірден үзіледі», – деп түсіндіред...

Халықаралық сарапшылар ұлттық валютаның нығаюына қатысты оң болжамдарын жариялады. JP Morgan талдаушылары теңгенің соңғы уақыттағы динамикасын «тұрақты» деп бағалаған.

Экономист Данияр Темірбаев теңгенің қазіргі қарқынына екі негізгі фактор әсер етіп отырғанын алға тартады: Ұлттық банктің ақша-кредит саясаты және Таяу Шығыстағы жағдайға байланысты мұнай бағасының жоғарылауы. Трамптың «бітімгершілік» әрекеттерінен кейін шикізат нарығындағы бағаның өсуі ұлттық валютаға үлкен демеу болды.

Сарапшының пайымдауынша, осындай қолайлы жағдайда доллар бағамының бұрынғы ең жоғары шегіне қайта оралуы екіталай. Жақын арада валюта нарығында тұрақтылық сақталады. Тіпті, теңге бағамы бұдан ары (айтарлықтай болмаса да) нығая түсуі әбден мүмкін.

Алайда көптеген сарапшылар 2026 жылы ұлттық валюта...

АҚШ президенті Дональд Трамп Иранға жойқын соққы жасау туралы үндеу жасаған соң, әлем нарығында мұнай қымбаттап жатыр. Инвесторлар мұнайлы өңірдегі соғыстың одан сайын өршуі шикізат тапшылығын туғыза ма деп қауіптенеді.

2 сәуірде таңертең сағат 9:30-дағы мәлімет бойынша Brent маркалы мұнайдың бір баррелі 107 доллардан жоғары көтерілді. Шикізат аз уақыттың ішінде 6,21%-ға қымбаттады. Баға әлі де көтеріліп жатыр.

Осының алдында ғана Трамп екі-үш аптаның ішінде Иранға жойқын соққы жасауға уәде беріп, осы елді «тас ғасырына қайтаратынын» мәлімдеген. Тегеран Ақ үй шарттарына көнбесе, Құрама Штаттар Иранның ірі электр станцияларын атқылайды.

2026 жылғы 28 ақпанда Иранда соғыс басталғалы бер...

Еркебұлан Тоқтарға бір бойжеткен танысу мақсатымен тілхат жазып, оның Гелендваген көлігіне қыстырып кеткен.

Бұл жайт актер әрі жауынгердің көңілін көтерді. Тілхат ағылшын және қазақ тілдерінде жазылған. Бір қызығы, тілхатта «әндеріңізді сүйіп тыңдаймын» деп жазыпты. Әлгі қыз Еркебұлан Тоқтарды шатастырып, әнші деп ойлап қалған секілді.

«Машинаға тілхат қалдырып кетіпті. «Өмірде күшті екенсің» деп ағылшынша жазып тастаған. Ашсам, нөмірін, Instagram-ын жазып кеткен. «Әндеріңізді сүйіп тыңдаймын» дейді», ­­- деп күлді Еркебұлан Тоқтар.

Ол әншілерге еліктеп, бір әнді бастады да, дереу тоқтатты. Сосын әнші емес екенін айтып ақталды. Бұл жайт Еркебұлан Тоқтарды әуре-сарсаңға түсірді.

«Таныспақ болған қыз басқа...

Алматыдағы крематорий осы сәуірде іске қосылуы мүмкін. Әзірге, соңғы дайындық жұмысы жүргізіліп жатыр. Алматы қаласы денсаулық сақтау басқармасы осылай хабарлады деп жазады Tengrinews.

«10–15 сәуір аралығында қалалық патологиялық-анатомиялық бюро қызметкерлерін Новосибирск қаласында оқыту жоспарланған. Олар Алматыға оралғаннан кейін, сәуірдің үшінші онкүндігінде крематорийді ашу көзделіп отыр», – деп түсіндірді басқармадан.

Сонымен қатар басқарма өкілдері дайындық жұмыстарының бір бөлігі аяқталғанын мәлімдеді. Қазірдің өзінде крематорий теңгерімінде болатын қалалық патологиялық-анатомиялық бюроның ішкі жұмыс ережелері мен қызмет көрсету бағаларының тізбесі әзірленген.

Алайда мұнда да бір кедергі бар: бұл құжаттар кәсіпорынның жарғылық қызмет түрлері кеңейтілгеннен кейін ғана қабылданады.

Бұған дейін...

Желіде шәкіртіне «әйелін сыйға тартқанын» айтып, қоғамды дүр сілкіндірген уағызшы Құрбанали Ахметтің мәлімдемесіне Қазақстан мұсылмандары діни басқармасы (ҚМДБ) ресми жауап берді. Діни басқарма бұл атышулы мәлімдеменің ресми исламға еш қатысы жоқ екенін кесіп айтты.

ҚМДБ: «Ол біздің жүйеге кірмейді»

Діни басқарма азаматтардың көкейінде жүрген басты сұраққа нүкте қойды: Құрбанали Ахмет ресми діни қызметкер емес.

Уағызшы ҚМДБ құрылымында және басқармамен ешқандай кәсіби байланысы жоқ. Оның айтқан пікірлері мен жеке өміріндегі шешімдері тек өз жауапкершілігінде.

ҚМДБ қазақстандықтарды күмәнді уағызшыларға емес, тек ресми пәтуалар мен сенімді дереккөздерге сүйенуге шақырды.

Даудың басы: «Тоқалымды шәкіртіме бердім»

Естеріңізге сала кетейік, Құрбанали Ахмет журналист Жанар...

Президент әкімшілігі басшысының бұрынғы орынбасары Ерболат Досаев енді «Самұрық-Қазына» ұлттық әл-ауқат қорында да жұмыс істемейді. Шенеуніктің қысқарып қалғаны туралы құжат Қаржылық есептілік депозитарийі сайтында жарияланды.

Құжатқа сәйкес, «Самұрық-Қазынаның» жалғыз акционері Ерболат Досаевты директорлар кеңесі құрамынан шығару жөнінде шешім қабылдаған. Мұндай шешім 2026 жылғы 25 наурызда қабылданған.

Қазір ұлттық әл-ауқат қорының директорлар кеңесі құрамында алты адам бар. Олар: Олжас Бектенов, Болат Жәмішев, Лука Сутера, Вонг Хэн Файн, Нұрлан Жақыпов, Мұхаммед Жәмил әл Рамахи.

Естеріңізге сала кетейік, бұған дейін – 25 наурызда президент Қасым-Жомарт Тоқаев Ерболат Досаевты президенті әкімшілігі басшысының орынбасары қызметінен босатқан. Шенеунік осы қызметте шамамен жарты жылдай отырған...

АҚШ президенті Дональд Трамп алдағы екі-үш аптаның көлемінде Иранға жойқын соққы жасауға уәде берді.

«Алдағы екі-үш аптаның көлемінде біз Иранға жойқын соққы жасаймыз. Біз оларды тас ғасырына қайтарамыз. Олардың орны сол», – деп мәлімдеді Ақ үй қожайыны. Оның сөздерін CNN таратты.

Телеарна Трамптың «тас ғасырына қайтару» туралы сөз тіркесін Иранға қатысты бірнеше мәрте қайталағанына мән берді. Осының алдында ғана америкалық президент өзіне тиесілі Truth Social әлеуметтік желісінде «біз Иранның көзін жоямыз», «тас ғасырына қайтарамыз» деп жазған.

CNN Трамптың 20 минутқа созылған үндеуінде Иранға қатысты бұған дейін айтылған тезистер тағы қайталанғанын ерекше атап өтт...

2 сәуірге қараған күні Артемида II миссиясының төрт ғарышкері Айға аттанды. Олар Жердің табиғи серігіне қонбай, бір айналып қайта оралады.

АҚШ-тың Флорида штатындағы Кеннеди атындағы ғарыш айлағынан Space Launch System (SLS) зымыран тасығышы Астана уақытымен түнгі сағат 03:24-те әуеге көтерілді. Boeing компаниясы дайындаған зымыран «Орион» ғарыш кемесін орбитаға алып шықты.

Осылайша НАСА-ның Артемида II миссиясы ресми түрде басталды. Мақсаты – 2028 жылы адамды Айға қондыру.

Осы жолғы сапар 10 күнге созылады. Ғарышкерлер Айды бір айналып, Жерге қайта оралады. Төрт адам Айдың бізге көрінбейтін арғы бетін тамашалайды.

Артемида II миссиясын НАСА ғарышкері Рид Уайзман басқарады. Онымен бірге Айға миссия ұшқышы Виктор Гловер, миссия маманы Кристина...

Теңіз кен орнындағы өндірістің қалпына келуіне байланысты Қазақстанда наурыз айында мұнай мен газ конденсатын тәуліктік өндіру көлемі 1,87 миллион баррельге жетті. Бұл ақпан айындағы көрсеткішпен (1,83 млн баррель) салыстырғанда 2%-ға артық. Бұл туралы Reuters хабарлады.

Мәліметтерге сәйкес, Теңіз кен орнындағы өндіріс көлемі ақпандағы тәулігіне 590 000 баррельден наурызда орташа есеппен 700 000 баррельге (+19%) дейін өскен. Ал 31 наурыз күні өндіріс көрсеткіші тәулігіне 978 000 баррельге жетіп, орташа айлық жоспарланған 930 000 баррельден асып түсті.

Қазақстан Энергетика министрлігі, «ҚазТрансОйл» және Теңіз операторы «Теңізшевройл» (ТШО) компаниялары Рейтер агенттігінің түсініктеме беру туралы сауалына әзірге жауап берген жоқ.

Кедергілер...

Букмекерлік кеңселер жұмысын қайта бастады. Ойын бизнесіндегі ірі нарық ойыншыларының бірі Olimpbet өз пайдаланушыларына қаржылық операциялардың қалпына келгенін ресми түрде хабарлады.

Жаңа заңнама аясында ойыншылардың қауіпсіздігі мен қаржылық айналымның ашықтығын қамтамасыз ету мақсатында бірқатар қатаң талаптар қойылған.

Қаражатпен операция жасау үшін әрбір қолданушы қайтадан немесе қосымша идентификациядан (тұлғаны растау) өтуге тиіс.

Еске сала кетейік, ойын бизнесі туралы жаңа заңамаға сәйкес, 4 наурыздан бері елдегі букмекерлік кеңселер төлемдерді қабылдауды тоқтатқан еді. Жаңа заңға сәйкес букмекерлер енді спорт пен медицинаға ақша бөлетін болады.

Инвестор әкімшілік кедергілерге тап болған. Ұлытау облысында прокуратураның араласуынан кейін инвестор құны 11,2 млрд теңге болатын Ulytau Gold Processing жобасы үшін қажетті рұқсаттарды алды, деп хабарлады қадағалау органының баспасөз қызметі.

Компания «Ашықтас» кен орнында бағалы металдар өндірісін іске қосып жатқан болатын.

«Жарты жылға жуық уақыт бойы инвестор рұқсат беру құжаттарын алу кезінде әкімшілік кедергілерге тап болды. Атап айтқанда, санитарлық-қорғау аймағы жобасының болмауы қорытынды беруден бас тартуға негіз болған. Бұл іс жүзінде нысанды пайдалануды және инфрақұрылымға қол жеткізуді шектеді», – деп мәлімдеді прокуратурадағылар.

Қадағалау органының араласуынан кейін және Инвесторлардың құқықтарын қорғау комитетін...

Блицтен үш дүркін әлем чемпионы Бибісара Асаубаева 4-ші турда қытайлық Тань Чжунъимен тең ойнап, украиналық Анна Музычукпен бірге шахмат тәжіне үміткерлер додасында көш бастап тұр.

ҮМІТКЕРЛЕР ТУРНИРІ-2026 

4-ші тур. 1 сәуір 

Бибісара АСАУБАЕВА (Қазақстан, 9) – ТАНЬ ЧЖУНЪИ (Қытай, 6) 0,5:0,5

Анна МУЗЫЧУК (Украина, 8) – Катерина ЛАГНО (ABLT, 10) 1:0

Вайшали РАМЕШБАБУ (Үндістан, 18) – Александра ГОРЯЧКИНА (ABLT, 7) 0,5:0,5

Дивья ДЕШМУКХ (Үндістан, 12) – ЧЖУ ЦЗИНЬЭР (Қытай, 2) 0:1.

Әлемнің 16-шы чемпионымен (2017-2018) болған партияда ақ фигуралармен ойнаған Асаубаева дебюттен кішігірім басымдықпен шыға алды. Кейіннен Тань Чжунъи нақты қорғана білді. Күрделі эндшпильде қазақстандық шахматшының шешуші шабуыл...

Оңтүстікте +30 градусқа дейін ыстық болады. Оңтүстік-батыс пен батыста найзағай ойнап, жаңбыр жауады. «Қазгидромет» 2 сәуірге арналған ауа райы болжамын ұсынды.

Ақмола облысының соты күш қолданып, қорқытып зорлау және аса қатыгездікпен кісі өлтіру баптары бойынша айыпталған 61 жастағы азаматқа қатысты қылмыстық істі қарады, деп хабарлады соттың баспасөз қызметі.

«Сот 2002 жылы Ақкөл қаласында түнде мас күйдегі 37 жастағы сотталушы үйіне жету үшін өтіп бара жатқан көліктерді тоқтатып тұрған 29 жастағы жәбірленушіні жолықтырғанын анықтады. Оны ұрып-соғып, өлтіремін деп қорқытып, жергілікті стадион аумағына алып келген. Жәбірленушінің денесіне соққы жасап, темекімен күйік салған, зорлаған. Ол жасаған қылмысын жасыру және жазадан құтылу мақсатында жәбірленушіні өлтірген», – делінген хабарламада.

Сотта айыпталушы жәбірленушіні аузына шырша бүршіктері мен топырақ тығып, аса қатыгездікпен...

Жетісу облысында бірнеше алаяқтық дерегі бойынша айыпталған тұлғаларға қатысты қылмыстық істі тергеу аяқталды. Бұл туралы өңірлік полиция департаменті хабарлап, іс материалдарының сотқа жолданғанын мәлімдеді.

Тергеу мәліметінше, қылмыстық схеманың құрбаны 37 адам болған. Күдіктілер – Алматы облысы Талғар ауданы Гүлдала ауылының 31 жастағы тұрғыны мен Талдықорған қаласының 25 жастағы тұрғыны.

Алдын ала мәліметтерге сәйкес, олар интернет-дүкендер арқылы тауарлық несие рәсімдеу жолымен қаржы жымқыру схемасын ұйымдастырған. 2024 жылдың қазан айында күдіктілердің бірі интернет қолданушыларын алдауға бағытталған жоспар құрғаны анықталған.

Алаяқтық схема бойынша азаматтарға тауарлық несие рәсімдеп, кейін оны «қолма-қол ақшаға айналдыру», қарызды толық жабу және қосымша сыйақы төлеу ұсынылған. Қылмысты іске асыру...

Наурыз мейрамы қарсаңында Түркістан облысында «ҚАЗАҚ КҮШІНІҢ КАРТАСЫ» жобасы аясында ауқымды экспедиция өтті. Төрт күнге созылған бұл сапар ұлттық баһадүрлік мұраны түгендеуді ғана емес, өңірдің рухани және экономикалық әлеуетін саралауды мақсат етті.

Рухани тамыр: он әулиеге зиярат

Экспедиция мүшелері сапарын Сайрамдағы Ибрагим ата кесенесінен бастап, Түркістандағы Қожа Ахмет Ясауи кесенесінде түйіндеді.

Бұл бағыт тарихтағы «әке мен баланың жолы» ретінде белгілі әулиелік маршрутты толық қамтыды. 1000 шақырымнан астам жол жүрген экспедиция мүшелері Қарашаш ана, Бибіғияс ана, Бәйдібек ата, Домалақ ана, Ысқақ баб, Баба Түкті Шашты Әзиз, Ақмешіт әулие үңгірі және Арыстанбаб кесенелеріне барып тағзым етті.

Бұл зияратты...

Қарағанды облысында 15 жасар қызды зорлаған жан түршігерлік іс бойынша апелляциялық шағымды қарау аяқталды. Сотталушы баланы «шариғат заңдары бойынша» әйелдікке алған 38 жастағы ер адам. 2025 жылдың қазан айында сот ер адамды 17 жылға бас бостандығынан айырған болатын, алайда сотталушы үкімге шағым түсіруді ұйғарды.

Қарағандыда анасы мен өгей әкесі 15 жасар қызды қарсылығына қарамастан күйеуге берген. Өз еркінен тыс ол жалдамалы пәтерде ересек ер адаммен бірге қалған, ал ер адам оның жасын біле тұра, күш көрсеткен. Іс материалдарына сәйкес, 2025 жылдың наурыз айынан бастап сотталушы баланы бірнеше рет жақындыққа мәжбүрлеген.

2025 жылғы 16 қазанда мамандандырылған ауданаралық сот ер адамды...

Бас көлік прокуратура мигранттарға ақша үшін құжат рәсімдеуге көмектескен қылмыстық топтың бетін ашты. Ведомствоның мәліметінше, Орталық Азия елдерінің 5 мыңнан астам азаматы сыйақы үшін жұмысқа рұқсат, уақытша тұруды тіркеу және болу мерзімін ұзарту қызметтерін алған.

Тергеу нұсқасы бойынша, қылмыстық тізбекке көші-қон қызметінің қызметкерлері, сондай-ақ, Астана қаласындағы «Азаматтарға арналған үкімет» КЕАҚ филиалының мамандары кірген. Олардан бөлек, заңсыз әрекетті ұйымдастыруға басқа да тұлғалардың қатысы болған.

«Фигуранттардың іс-әрекеті ҚР Қылмыстық кодексінің 366 (пара алу), 367 (пара беру), 368 (парақорлыққа делдалдық ету), 394 (заңсыз көші-қонды ұйымдастыру) және 190 (алаяқтық) баптары бойынша саралануда», – деп хабарлады ведомстводан.

Қылмысты...

Қазақстан ІІМ халықаралық интернет-алаяқтардың ірі тобы жойылғаны туралы хабарлады. Бірлескен арнайы операцияны Қазақстан мен Украинаның күш құрылымдары жүргізді, деп хабарлады Polisia.kz.

31 наурызда Днепр қаласында бірден үш call-орталық жабылды. Тергеу нұсқасы бойынша, олардың қызметкерлері Қазақстан, Украина және ЕО елдерінің тұрғындарын алдап келген. Полиция мәліметінше, сөз ақшасы мен цифрлық активтерінен айырылуы мүмкін болған жүздеген әлеуетті құрбан туралы болып отыр.

Алаяқтар өздерін инвестициялық компаниялардың қызметкерлері ретінде таныстырған. Олар адамдардың жеке мәліметтерін алдап алып, банктік шоттары мен аккаунттарына қол жеткізген, содан кейін ақшаларын ұрлап отырған. Сонымен қатар, «романтикалық» схемалар және криптовалютаға жалған инвестиция салу жайттары бөлек тіркелді. Алдау үшін фишингтік сайттар...

15 жастағы қазақстандық вингер Кәрім Меңдіқанов «Барселонамен» келісімшартқа отырды, деп хабарлайды каталониялық Mundo Deportivo басылымы.

«Испанияның балалар мен жасөспірімдер футболы халықаралық таланттар ұмтылатын орын болуын жалғастыруда және назар аудара бастаған есімдердің бірі – Кәрім Меңдіқанов. 2011 жылы туған қазақстандық жас футболшы «Барселонамен» келісімшартқа отырып қойды және келесі маусымда клубқа қосылады», – делінген басылым жазбасында.

Меңдіқанов Испанияға 2022 жылы келіп, содан бері каталониялық футболда шыңдалған. Өткен маусымда ол Каталония лигасында «Серданьола» сапында өнер көрсете бастаған.

Одан кейін ол «Сан-Кугатқа» ауысып, тағы бір қадам алға басқан. Онда оң қанаттағы шабуылшы (вингер) позициясында команданың маңызды ойыншыларының бір...