Жаңалықтар

Қазақстан мұсылмандары діни басқармасы сауда орталығында аяғын жуған ер адамға қатысты мәлімдеме жасады.

Желіде тараған видеода ер адамның сауда ойын-сауық орталықтарының бірінде дәрет алып, аяғын жуып жатқан сәті түсірілген. Содан кейін тұрғындар түрлі пікір айтып, азаматтың әрекетін сынады.

Содан кейін діни басқарма азаматтарды қоршаған ортаны құрметтеуге, діни рәсімді орындау кезінде ерекше ұқыптылық танытуға және тазалықты сақтауға шақырды.

«Дәрет алу арнайы бөлінген жерлерде, оның ішінде намазханаларды...

1 қазанда Астана уақытымен сағат 09:00-де АҚШ федералдық үкіметі жұмысын уақытша тоқтатты. Себебі Конгресс жаңа қаржы жылына арналған бюджетті қабылдап үлгермеді. Құрама Штаттарда кейінгі алты жылда алғаш рет шатдаун болып отыр.

Жаңа бюджет қабылданғанша, мемлекеттік мекемелерге ақша жұмсауға тыйым салынған. Соған байланысты олардың көбісін ақысыз демалысқа жіберіп жатыр. Дәрігерлер, шекарашылар, әскерилер, көлік қызметкерлері және басқа да маңызды мекемелер ғана жұмыс істей береді. Бірақ оларға жалақы төленбейді.

Мәліметтерге қарағанда, қазіргі заман тарихында Құрама Штаттарда 21 мәрте шатдаун болған. Ең ұзағы Дональд Трамп ел басқарып тұрған уақытқа – 2018 жылғы 22 желтоқсан мен 2019 жылғы 25 қаңтар аралығына сәйкес келген. Сол...

Халықаралық Moody’s рейтинг агенттігі Қазақстанның егемен рейтингін Baa1 деңгейінде сақтап, болжамын «Тұрақты» деп қалдырды. Бұл шешім елдің қаржылық жағдайы мен экономикалық тұрақтылығына берілген халықаралық бағаның көрсеткіші болып отыр.

Агенттіктің сарапшылары Қазақстанның рейтингін қолдайтын басты фактор ретінде мемлекеттік қарыздың деңгейі төмен екенін атап өткен. Оның көлемі шамамен ЖІӨ-нің 23%-ына тең. Бұл Baa санатындағы елдер арасындағы ең төмен көрсеткіштердің бірі саналады. Сонымен қатар қарыздың өтелімділігі жоғары деп бағаланды, яғни мемлекет өз міндеттемелерін уақытылы орындауға қабілетті.

Moody’s сондай-ақ Қазақстанның айтарлықтай қаржы резервтерін ерекше атап өтті. Бұл қорлар сыртқы экономикалық шоктарға қарсы маңызды қорғаныс ретінде қарастырылады. Агенттіктің пікірінше, дәл осы фактор елдің қаржылық тұрақтылығын...

Жұлдыз Әбдікәрімова декреттік демалысы аяқталып, жұмысына қайта оралатынын айтты. Ол жақында сәбиін қырқынан шығарған еді.

Актриса жүктілік басталған сәттен бастап барынша көзден тасаланғанын, жұмысты жинап қойғанын айтты. Бар назары тек қана өз күйіне ауғанын қалаған.

«Шүкір, Алланың қалауымен бәрі де ретімен, сәтімен, өзім жоспарлағандай өтті. Енді екеуміз де қырқымыздан шығып, буынымыз қатып, бір-бірімізге ризашылығымызды білдіріп отырмыз. Мен Рабия Сұлтанға қыдыруға, ол маған жұмысқа оралуыма рұқсат бердік. Демек, ресми жұмысқа кірістім деп айта аламын», – деп Жұлдыз Әбдікәрімова жаңалығымен бөлісті.

Сонымен қатар, сәби өмірге келерде бұған өзге балаларының қалай қабылдағанын да жасырмай айтып берді.   

«И...

1 қазанда Қазақстанның бірнеше өңірде ауа температурасы -6 градусқа дейін төмендеп, үсік жүреді. Қар аралас жаңбыр жауып, тұман түседі. Қолайсыз ауа райына орай ескерту жарияланды.

«Қазгидромет» мәліметінше, 1 қазанда түнде Қарағанды облысында ауа температурасы 1-6 градусқа дейін төмендейді.

Шығыс Қазақстан облысында ауа температурасы түнде 0-5 градус жылы болады. Ал облыстың батысында, солтүстігінде 3 градус үсік түседі.

Жамбыл облысында жауын-шашын болады. Таулы аудандарда жаңбырдың соңы қарға ұласады. Күндіз 5-10, облыстың таулы аудандарында 2 градусқа дейін төмедейді.

Алматы облысында жауын-шашын болады. Өңірдің оңтүстігінде, таулы аудандарында жаңбырдың соңы қарға ұласады. Күндіз ауа температурасы 5-10, облыстың таулы аудандарында 1  градусқа дейін төмедейді. Үсік түседі.

Жетісу облысында да жаңбыр жауып, соңы қарға...

Қазақстан Республикасының заңнамасында 200-ден аса жол белгісі бар. Олар бірнеше негізгі санатқа бөлінеді. Атап айтқанда, ескерту белгілері, артықшылық, тыйым салу, міндетті, ақпараттық-анықтамалық, қызмет көрсету және қосымша ақпараттық белгілер бар. Бір қарағанда бәрі түсінікті: тақтайшаны көрдің – орындадың. Бірақ жеме-жемге келгенде кейбір белгілер ұқсас немесе екіұшты, оларды тіпті тәжірибелі жүргізушілер де шатастырады.

Бұл ретте Kursiv.media тілшісі алдамшы жол белгілерін шолып шықты.

«Жол бер» және «Тоқтамай өтуге тыйым салынады»

Қызыл сызықты үшбұрыш – «Жол бер» белгісі, онда тек жылдамдықты азайтып, кедергі болса, өткізу жеткілікті. Ал сегізбұрышты «STOP» – міндетті түрде толық тоқтау қажеттігін меңзейді. Жол бос болса да көлікті тоқтату керек...

1 қазанға қараған түні Филиппинде қуаты 6,9 балдық жер сілкінісі болды. Жергілікті үкімет табиғат апатынан кем дегенде 22 адам қаза тапқанын мәлімдеді. Бұл туралы Kursiv.Media Reuters мәліметіне сүйене отырып хабарлайды.

Қуатты жерасты дүмпуі Филиппиннің орталығындағы Висай аралдарының Себу қаласында тірелді. Жер сілкінісінен электр қуаты үзіліп, үйлер құлады.

Жер сілкінісін тіркеу жөніндегі агенттік қуатты дүмпуден соң магнитудасы 6 балға дейін жететін тағы бірнеше афтершок тіркеді. Цунами қаупі жоқ.

Себу қаласында шамамен 1 млн адам тұрады.

Филиппин аралдары Тынық мұхиты отты сақинасында орналасқан. Сол себепті мұнда жанартаулар атқылап, жер сілкіністері жиі болып тұрады.

2023 жылы жылы Филиппинде қуаты 6,7 балды...

30 қыркүйекте Алматыдағы Орталық стадионда қазақстандықтардың есінде ұзаққа сақталатын тарихи матч өтті. «Қайрат» өз алаңында испандық «Реал Мадридті» қабылдап, 5-0 есебімен жеңілді. Бірақ бұл матчта бастысы есеп емес еді.

Тоқтаған трансляция

Матчтың тікелей трансляциясы «Қазспорт» пен «Қазақстан» ұлттық арнасынан көрсетілді. Бірақ эфир көреміз деп үміттенгендердің жолы болмады. Екі арнаның да сайты ашылмай, матч көру мүмкін болмады. Тіпті сайт ашылса да, өте баяу жұмыс істеп тұрды.

Кейбір қолданушылар ойынды «Кинопоиск» платформасынан, кейбірі пираттық сайттардан көргенін жазды.

Үнсіз стадион

Экраннан ойын тамашалаған көрерменнің тағы бір сыны – стадиондағы жанкүйерлердің қолдауының аз болуы. Ойыншылардың еңсесін көтеріп, қолдау білдіретін сәтт...

Чемпиондар лигасының 2-турында Испанияның әйгілі «Реал Мадрид» командасымен ойнаған алматылық «Қайрат» өз алаңында қарсыласқа ірі есеппен есе жіберді.

Ойын барысында Мбаппе хет-трик жасаса, Эдуарду Камавинга мен Браим Диас бір-бір гол авторы атанды.

Ойын «Қайраттың» басымдығымен басталып, 10 минуттан кейін қарсыластың иелігіне өтті.

Десе де «қайраттықтарда» бірнеше рет гол салу мүмкіндігі болды. Тіпті алғашқы минутта өте қауіпті шабуыл ұйымдастыра алды.

«Қайрат» ірі есеппен ұтылғанына қарамастан, қақпашы Шерхан Қалмырза көптеген қауіпті соққылардың бетін сәтті қайтара білді.

Ойын басталарда «Қазспорт» телеарнасы істемей, сайты жүктемені көтере алмай қалғанын айта кеткен жөн.

Сүйікті командасы жеңілгені қарамастан, жанкүйерлер «Қайратқа» қолдауын аямады. Бұл – «Қайрат» үшін тұңғыш...

Тарихи «Қайрат» – «Реал Мадрид» кездесуінің қарсаңында Kursiv.Media басылымы УЕФА Чемпиондар лигасының медиа-менеджері Никколо Торри Роккамен сұхбаттасты. Ол Алматы туралы әсерін бөлісіп, матчтың турнир үшін маңызын атап өтті.

Оның айтуынша, Алматы Орталық стадионы үлкен ойынға дайын, ал ұйымдастыру деңгейі таңғаларлықтай.

«Мен «Қайраттан» керемет қолдау таптым. Бұл өте маңызды, әсіресе медиа-сүйемелдеу тұрғысынан. Барлығы мінсіз ұйымдастырылған, мен өте ризамын. Мұны Еуропадағы көптеген жағдайлармен салыстыра аламын – Алматыда бәрі өте жоғары деңгейде», – деді УЕФА өкілі.

Торри Рокка Чемпиондар лигасы турнирдің географиясын кеңейтуге әрі шығыс елдерін тартуға мүдделі екенін ерекше атап өтті.

«Алматы Чемпиондар лигасының бір бөліг...

Алматының орталық стадионында чемпиондар лигасының топтық кезеңі аясында алматылық «Қайрат» пен мадридтік «Реал» арасындағы матч басталды. KursivMedia аталған ойыннан мәтіндік трансляция жүргізеді.

Қос команданың жаттықтырушылары алаңға төмендегідей ойыншыларды шығарған:

«Қайрат» құрамы

82. Қалмырза

20. Тапалов, 14. Мартынович, 80. Сорокин, 3. Мата

24. Мрынский, 4. Қасаболат, 15. Арад, 55. Громыко

7. Жоржиньо, 9. Сәтпаев

Қосалқы құрам: 31. Реимов, 98. Алдашев, 5. Кургин, 25. Широбоков, 6. Садыбеков, 17. Байбек, 33. Станоев, 10. Зария, 26. Эдмилсон, 99. Рикардиньо

«Реал» құрамы

1. Куртуа

17. Асенсио, 24. Хейсен, 4. Алаба...

Тура бір сағаттан кейін Қазақстандағы көпшілік көптен күткен «Қайрат» – «Реал Мадрид» кездесуі өтеді. Kursiv LifeStyle Алматы Орталық стадионы алдындағы жағдай туралы фоторепортаж дайындады.

Жанкүйерлер орталық стадион маңына түс ауа-ақ жинала бастады. Стадион қақпасы ашылмай тұрып кіреберіс алдында бірнеше шақырымға созылған кезек пайда болды.

Алаңның айналасы жанкүйерлердің ұрандарынан, айқайынан және өтіп жатқан көліктердің дабылынан жаңғырып тұр.

Қаланың басты магистральдарының бірі – Абай даңғылы толассыз адам тасқынына айналған. Жағдайды «Қайраттың» және басқа спорттық атрибутиканың қолдан жасалған мерчендайзін сатып тұрған бейресми сатушылар одан әрі қиындата түскен.

Полиция лицензиясыз саудаға мән бермегендей көрінді. Өйткені олардың негізгі назары қоғамдық тәртіпті сақтауға бағытталған.

Стадион алдындағы атмосфераға...

АҚШ-тың федералдық прокурорлары Нью-Йорк федералды судьясынан P.Diddy лақап атымен танылған америкалық продюсер әрі рэпер Шон Комбсты 11 жарым жылға соттауды сұрады, деп жазды СNN басылымы.

«Оның қылмыстары ауыр. Зорлық-зомбылыққа қатысқан әрі өзгелерді қорқытқан Шон Комбс сияқты айыпталушылар үшін он жылдан астам жаза тағайындау өзін толықтай ақтайды», – делінген прокурорлардың өтінішінде.

Олар кемінде 11 жыл 3 айға бас бостандығынан айыру жазасын сұраған.

Прокурорлар бірнеше айыптаушы жазған хаттарды көрсетіп, онда Комбстың зорлық-зомбылығы олардың өмірін қалай тас-талқан еткені сипатталған.

Үкім жұма күні шығарылатыны хабарланды.

55 жастағы Комбс 2024 жылы қыркүйек айында адам саудасы бойынша айыпталып қамауға алынған. 2025 жылды...

Президент Қасым-Жомарт Тоқаевтың шақыруымен 1-3 қазан күндері Астанаға Мажарстан Президенті Тамаш Шуйок ресми сапармен келеді. Бұл туралы Ақорданың баспасөз қызметі хабарлады.

Сапар аясында президенттер келіссөз жүргізіп, Қазақстан мен Мажарстан арасындағы стратегиялық серіктестікті нығайту перспективасын талқыламақ.

Сондай-ақ Қасым-Жомарт Тоқаев пен Тамаш Шуйок Digital Bridge 2025 халықаралық форумының пленарлық отырысына қатысады деп жоспарланған.

Бұған дейін Астанаға Италия президенті келіп, мемлекет басшылар кездесу барысында мәдени-гуманитарлық, экономикалық ықпалдастық мәселелеріне көңіл бөлген.

Чемпиондар лигасының топтың кезеңі аясында Алматыға келген «Реал Мадрид» клубы instagram парақшасынына Алматының видеосын жариялады.

Видео «Желтоқсан оқиғасына» арналған ескерткіш көрінісінен басталып, биіктен түсірілген, Сәкен Сейфуллиннің «Тау ішінде» әні орындалған кадрларымен жалғасады. Видеода сондай-ақ Республика алаңындағы Тәуелсіздік монументі, 28 Панфиловшылар паркіндегі Вознесенский соборы да көрсетілген. «Тау ішінде» роликті ақырына дейін сүйемелдейді.

Ал видео сипаттамасында «Алматыға қош келдіңіз» деп жазылған.

Аз уақытта бірнеше миллион қаралым жинап үлгерген видеоға пікір қарша борап жатыр. Дені корольдік клубқа деген ризашылыққа толы.

Мәдениет және ақпарат министрі Аида Балаева Google компаниясының Израиль, Түркия, Орталық Азия мен Кавказдағы мемлекеттік саясат мәселелері және мемлекеттік органдармен өзара байланыс бойынша өңірлік директоры Ноа Лоффлермен кездесті.

Кездесу барысында тараптар өзара байланыстың басым бағыттарын талқылаған. Аида Балаева министрлік адами құндылықтарды насихаттап, халықтың цифрлық және құқықтық сауатын арттыратын, сондай-ақ балалардың онлайн ортадағы қауіпсіздігін қамтамасыз етуге бағытталған жобаларға ерекше назар аударатынын атап өткен. Отырыста Google компаниясының Қазақстандағы ресми өкілін бекіту мәселесі де қаралған.

Кездесу барысында контентті модерациялау мәселелері де талқыланып, Аида Балаева қолданыстағы тетіктер аса тиімді емес екенін жеткізгені хабарланды. Осыған байланысты Google командасының Астанаға сапары аясында ҚР МАМ мен...

Кассациялық сот азаматтың Қазақстанды бесінші сағат белдеуіне көшіру туралы қаулыны заңсыз деп тану жөніндегі үкіметке қарсы талабын қанағаттандырудан бас тартты. Азаматтық істер жөніндегі кассациялық сот бірінші және апелляциялық сатыдағы сот шешімін өзгеріссіз қалдырды.

«Азаматтық істер жөніндегі кассациялық сот азамат А.-ның Үкіметке қарсы «Қазақстан аумағында уақыт есебін айқындау тәртібі туралы» қаулысын және оған өзгерістер енгізу туралы 2024 жылдың 19 қаңтарындағы №20 қаулыны заңсыз деп тану және жою туралы талабын қарады», – делінген ақпаратта.

Талапкер уақыт белдеуін өзгерту астрономиялық уақытқа сәйкес келмейтінін, жауапкерде мұндай шешім қабылдауға өкілеттік жоқтығын, НҚА мәтінінің жартысынан астамы өзгергендіктен жаңа НҚА қабылдануға...

Қазақстан қарасораны өнеркәсіп мақсатында өсірудің жаңа талаптары бекітілген қаулы жарияланды. Жаңа құжат мақсаты – қарасораны тек өнеркәсіптік, шаруашылық мақсатта қолдануын қамтамасыз етіп, заңсыз пайдалануына жол бермеу.

Қаулыға сәйкес, тек рұқсат берілген қарасора түрлерін өсіруге болады. Және ол үшін міндетті түрде лицензия алу керек.

Қарасораны егетін аумақ елдімекеннен, автомобиль жолдарынан және басқа да егістік алқабынан екі шақырым жерде орналасуы қажет. Учаске толық периметрі бойынша торлы немесе тікенек сыммен қоршалуы тиіс. Тәулік бойы күзетпен қамтамасыз етіледі, ал кіру мен шығу бір ғана қақпа арқылы ұйымдастырылады.

Тұқымның сапасына да ерекше назар аударылған. Пайдаланбас бұрын оны зерттеп, дәннің құрамындағы тетрагидроканнабинол (ТГК...

Алматыда 2025 жылғы кадеттер арасындағы әлем чемпионаты аяқталды. «Кадет» деп 12 жасқа дейінгі жас шахматшыларды атайды. Әлем чемпиондары атанғандар – 8 жастағы Алиша Бисалиева мен Әдинұр Әділбек, сондай-ақ 12 жастағы Данис Қуандықұлы. Қазақстандық шахматшылар командалық есепте де үздік болды.

Шахматтан 2025 жылғы кадеттер арасындағы әлем чемпионаты (FIDE World Cadet Chess Championships 2025) 19–30 қыркүйек аралығында Алматыдағы Балуан Шолақ атындағы СКК бас аренасында өтті.

88 ел мен аумақтан 842 жас шахматшы, оның ішінде Қазақстанның барлық 20 өңірінен 229 ойыншы, классикалық уақыт бақылауымен 90+30 (партияға 90 минут және әр жүріске 30 секунд қосылады) швейцариялық жүйе бойынша 11 турлық қиын жолдан өтті.

Алматы облысында екі көлік бетпе-бет соқтығысып, 8 адам қайтыс болды. Тағы екі адам зардап шекті деп хабарлайды облыстық полиция департаментінен.

«Алдын ала мәлімет бойынша, «Лексус» автокөлігі қарсы жолаққа шығып кетіп, «Тойота» минивэнімен соқтығысқан. Жол апаты салдарынан сегіз адам оқиға орнында көз жұмды, тағы екі адам ауруханаға жеткізілді», – деді ведомство өкілі.

Жол-көлік оқиғасы Алматы–Бішкек автожолының 107-шақырымында болған.

Қазір сотқа дейінгі тергеу басталды. Оқиғаның мән-жайын анықтау үшін тергеу шаралары жүргізіліп жатыр.

Осыған дейін өңірде оқушылар мінген автобус пен жеңіл автокөлік апатқа ұшырап, екі адам қайтыс болды.

Астанадағы сотта 600 мың теңгенің тортына тапсырыс берген блогер Аселина Батырдың күйеуі дипломат екені айтылды. Соған сүйеніп блогердің өкілдері сот процесін жабық форматта өткізуді сұрады.

Азаматтық істі қарап жатқан судья Гүлзада Рашқалиева процестің ашық өтетінін айтты.

Жауапкердің өкілдері алдын ала сот тыңдауы барысында Аселина Батырдың күйеуінің дипломат екенін бірнеше рет айтып өтті. Сондай-ақ блогердің Қазақстанда тұрмайтынын жеткізді.

Процестен кейін БАҚ өкілдері талап арыз беруші кондитер Нұршат Ақбергенованың өкілі Аржан Сәдуақастан «сотта жауапкер өкілінің қайта-қайта Аселина Батырдың дипломаттың әйелі екенін айтуын сотқа көрсетіліп жатқан қысым деп санамай ма?» деп сұрады.

«Солай қабылдауға болады. Аселинаның күйеуі кім екенін білген...

2025 жылдың қаңтар-шілде айларында Қазақстанға 134 366 жаңа және жүрілген жеңіл автокөлік импортталған. Бұл өткен жылдың осы кезеңімен салыстырғанда 59,4%-ға көп. Бұл туралы Kursiv.media autoreport.kz-ке сілтеме жасап хабарлайды.

Ұлттық статистика бюросының мәліметінше, 2025 жылы Қазақстанға жеңіл көліктер негізінен Қытай, АҚШ және Жапониядан әкелінген.

Автокөлік жеткізуші елдердің алғашқы ондығы:

2025 жылдың алғашқы жартысында қазақстандықтардың нақты ақшалай табысы төмендеді. Бұған басты себеп – наурыз айынан бері сақталып отырған жоғары инфляция. Инфляция халық табысының нақты өсімін «жеп қойып» олардың сатып алу қабілетін әлсіреткен.

Халықтың нақты табысы төмендеген сайын, адамдар күнделікті шығынын жабу үшін банктен тұтынушылық несие алуға мәжбүр. Halyk Finance сарапшыларының айтуынша, бұл үрдіс – қазіргі жағдайдың айқын көрінісі. Бұған қоса, депозиттердің өсу қарқыны да баяулап барады.

«Халықтың негізгі табыс көзі – жалақы 2025 жылы нақты өсім қарқынын күрт баяулатты. Жалақы деңгейіндегі теңсіздік те өзекті мәселе болып отыр: жалдамалы жұмысшылардың жартысынан астамының табысы орташа жалақыдан...

NASA 2035 жылға дейін Айға астронавтар үшін қоныс салуды көздеп отыр. Бұл Сиднейде өткен Халықаралық астронавтика конгресінде айтылды.

Interfax ақпаратына қарағанда, бұл туралы агенттіктің басқарма басшысының міндетін атқарушы Шон Даффи мәлімдеген.

Жай ғана база емес

«Біз Айда адамдар үшін тұрақты өмір сүру жағдайларын жасағымыз келеді, – деді Даффи. – Бұл жай ғана алдыңғы база емес, тұтас қоныс болады».

Оның айтуынша, қоныстың тіршілігін қамтамасыз ету үшін атом энергиясы пайдаланылмақ. Салмағы 15 тоннадан аз реактор 100 кВт электр қуатын өндіре алады. Бұл мөлшер 14 ай түнінде, күн панельдері жұмыс істемейтін кезде, Ай базасын электрмен...