Жаңалықтар

Қостанай облысына жұмыс сапары барысында Қасым-Жомарт Тоқаев қазақ даласының символы саналатын киіктердің көбеюіне тосқауыл қоятын шешімнің күшін жоятынын мәлімдеді. Бұл туралы Тобыл қаласындағы уақытша орналастыру нысанында ауылдардың тұрғындарымен кездесу барысында мәлімдеді, деп хабарлады Ақорданың баспасөз қызметі.

«Президент қазақ даласының символы саналатын ақбөкендердің көбеюіне тосқауыл қоятын шешімнің күшін жойып, оған тыйым салынатынын мәлімдеді», – делінген хабарламада.

«Кейбір адамдар киіктерді атуға болмайды дейді. Расында солай шығар. Мен бұрын киіктерді атуға қарсы болғанмын. Киіктерді атуға тыйым салатын болдық, осындай шешім қабылдадым, – деді Тоқаев тұрғындармен кездесу кезінде.

Қасым-Жомарт Тоқаев Қостанай облысының кәсіпкерлерімен және еріктілерімен кездесу барысында су тасқынынан зардап шеккен халыққа нақты көмек көрсету ісінде бизнесмендердің рөлі зор екеніне айрықша назар аударды.

«Біздің елімізде Forbes тізіміне кіретін ірі кәсіпкерлер бар. Олармен арнайы кездесеміз. Олар әр облысқа, ауданға, елдімекенге бекітіледі және нақты жауапкершілік жүктеледі. Бұл бір жағынан кәсіпкерлердің мүддесіне сай келеді. Өйткені олар өздерінің қосқан үлесінің нақты нәтижесін көретін болады. Халқына қайырымдылық жасаған азамат ретінде Сіздердің де есімдеріңіз мемлекет тарапынан елеусіз қалмайды деп ойлаймын», – деді Қасым-Жомарт Тоқаев.

Сейсенбі күні Президент Қостанай облысына жұмыс сапарымен барған еді. Осы сапарында Тобыл қаласындағы уақытша орналастыру...

Шариғат бойынша кешбэк пен дисконт карталарды қолдануға рұқсат па? Қазақстан мұсылмандары діни басқармасы осыған қатысты пәтуа шығарды.

Кешбэк жүйесінде карта иесі дүкеннен тауарды сатып алғанда банк клиенттің шотына белгілі бір пайызды қайтарады. Ал сатушы банк арқылы тауарын сатқаны үшін эмитентке белгілі бір комиссия төлейді.

Діни басқарманың мәліметінше, кешбэктің үкімі төлем карталардың түрлеріне байланысты әрқалай болады.

«Дебеттік карта – клиенттің банк шотындағы ақша сомасы шегінде төлемді немесе ақша аударымын жасауға мүмкіндік беретін төлем картасы. Дебеттік картаны қолдануға көптеген ғалымдар мен пәтуа ұйымдары рұқсат берген. Өйткені бұл картада өсім беру қарастырылмайды», – деп түсіндірді басқармада.

Сондай-а...

Су тасқынынан зардап шеккен өңірлерде мал шығыны үшін өтемақы нарықтағы баға шеңберінде беріледі. Төрт-түлік малдың нарықтағы бағасы әр өңірде әртүрлі. Өтемақы мөлшері Ұлттық статистика бюросы жариялаған нарықтық құн негізінде анықталады. Ұлттық статистика бюросы еліміздегі төрт-түлік малдың нарықтағы орташа бағасын жариялады.

2024 жылдың наурызындағы мәліметке сүйенсек, еліміздегі ауыл шаруашылығы өнімін өндірушілердің орташа бағасы (тоннасына) мынадай: ірі қара мал үшін 962 753 теңге, жылқы – 1 092 296 теңге, түйе – 1 061 900 теңге, қой-ешкі – 947 454 теңге, үй құстары – 869 016 теңгені құрайды.

Статистика бюросы төрт-түліктің жасына қарай нарықтағы орташа бағасын да ұсынды. Мәселен, сауын сиырдың бағасы 369 656 теңгені құраса, етті-сойылатын сиырдың құны 374 271 теңгенің айналасында. Бұқа...

Еуразиялық экономикалық комиссия (ЕЭК) алқасы бағалы металдар мен құрамында құнды металл қоспасы бар тауарларды әкелу және алып кету ережелерін жеңілдетті. Атап айтқанда, комиссия құрамында бағалы металдардың үлесі салмағының 2%-нан аспайтын тауарларды алып тастады.

Түзетілген ережеде мемлекеттік бақылау кезінде құжаттардың түпнұсқасын емес, көшірмелерін ұсынуға болатыны айтылған. Себебі оларды электронды түрде алуға болады. Оның ішінде экспорттық лицензия және тауарлардың спецификациясы бар.

Жаңа ережеге сәйкес тауарларды кеден одағының аумағынан тыс жерлерде қайта өңдеу шарттарын сипаттайтын құжаттың болуы талабы алынып тасталды. Тауарларды жөндеу үшін ЕАЭО шегінен тыс жерге алып кету үшін ғана кедендік рәсім қажет болады.

«Өзгерістер бағалы...

Қазақстанда мемлекеттік мүлікті сенімгерлік басқаруға беру ережелері қайта қаралып тендерсіз беру мүмкіндіктері азаятын болады. Бұл туралы Премьер-министр Олжас Бектеновтің Жалпыұлттық социал-демоктраиялық партиясының депутаттарына берген жауабында айтылған. Аталған өзгеріс қазірдің өзінде пысықталып жатыр және мүдделі тараптармен талқылануда.

Премьер-Министр нысандарды тендерсіз беру мүлікті болашақ меншік иелеріне сенімгерлік басқаруға беру тәртібін жеңілдетуге бағытталғанын еске салды. Осылайша, объектілерді тендер өткізбей беру кезінде келесі критерийлерді ескеру ұсынылады:

1. Салалық заңдарда мұндай объектіні сенімгерлік басқаруға беру жөніндегі норма көзделген(газ құбырлары мен электр-энергиямен жабдықтау объектілері олар тікелей қосылған беруші ұйымдарға («газ және газбен жабдықтау туралы» және «электр энергетикасы туралы»заңдар)беріледі;

2. Мемлекеттік мүлікті сенімгерлік басқаруға беру салалы...

«Самұрық-Қазына» қорының энергетикалық еншілес кәсіпорны «Самұрық-Энерго» 59,7 млрд теңге қосымша қаржы тартпақ. Бұл туралы Қазақстан қор биржасында (KASE) жарияланған құжатта жазылған.

KASE-дегі ақпаратқа сүйенсек, «Самұрық-Энерго» бір акцияға 96,47 мың теңгеден 375,5 мың қарапайым акция орналастырады. Осылайша, тартылған қаражаттың жалпы көлемі 36,2 млрд теңгені құрайды. Бұл ретте тек жалғыз акционер – «Самұрық-Қазына» ғана мәміледен бас тарту құқығына ие. Төлем ретінде энергетикалық компания нарықтық құны 32,6 млрд теңгені құрайтын Шүлбі СЭС-ін 100% сатып алады.

Сонымен қатар «Самұрық-Энерго» бір акциясы 90,4 мың теңгеден тұратын тағы 260 мың қарапайым акцияны орналастырады. Жиналған қаражат көлемі 23,5 млрд теңгені құрайды. Бұл қаржыға «Самұрық-Энерго» «Өскемен ГЭС...

Наурыз айында елде жылдық инфляция баяулап, 9,1%-ды (ақпанда – 9,3%) құрады. Жылдық инфляция 14 өңірде бәсеңдеді. 5 облыста қарқын алып, 1 өңірде өзгеріссіз қалды. Бұл туралы Ұлттық банк хабарлады.

Жылдық инфляцияның ең жоғарғы мәні Қарағанды мен Маңғыстау облыстарында тіркелді.

Наурызда азық-түлік тауарларының бағасы 6,9%-ға дейін баяулады (ақпанда – 7,4%). Осы топтағы тауарлардың бағасы Ұлытау облысында (10,5%) барынша қарқынды, ал Алматы облысында (4,3%) мейілінше баяу өсті.

Азық-түлікке жатпайтын тауарлар бағасының өсу қарқыны 8,2%-ға дейін бәсеңдеді (ақпанда – 8,5%). Ең жоғарғы мән Маңғыстау облысында (13,2%), ең төменгі мән Жетісу облысында (6,5%) тіркелді.

Наурызда ақылы көрсетілетін қызмет бағасы 13,2%-ға дейін жеделдеді (ақпанда – 12,8%). Сонымен қатар, Павлодар облысында баға жалпы республикалы...

ҚР премьер-министрі Олжас Бектенов Су кодексін әзірлеу мерзімін кешіктіргені үшін Су ресурстары және ирригация министрінің бірінші вице-министріне тәртіптік шара қолданған. Бұл жайлы үкімет басшысының депутаттардың сауалына берген жауабында айтылған.

Депутаттар өз сауалында президент тапсырмасымен әзірленіп жатқан Құрылыс кодексін сынға алған. Олардың айтуынша, Құрылыс кодексі «Сәулет, қала құрылысы және құрылыс мәселелері бойынша қызметі», «Тұрғын үй қатынастары туралы», «Тұрғын үй құрылысына үлестік қатысу туралы» кодекстерден көшіріп алынған. Жалпы 382,5 млн теңгеге әзірленген кодекстің әр беті мемлекет үшін 1,6 млн теңгеге шыққан. Депутаттар осы орайда елдегі талай заң жобаларының бюджет қаражатынсыз әзірленіп жатқанын атап өтіп, Құрылыс кодексiнiң жобасын сапасыз әзiрлеген...

Еуро Одақтың санкциялық режимін бұзғандар қылмыстық жауапкершілікке тартылатын заң бекітілді. Бұл ЕО елдерінің азаматтарына ғана емес, сонымен қатар санкцияға ілінген өзге ел азаматтарына да қатысты болады.

Одаққа мүше елдер санкциялық режимді бұзғаны үшін бірыңғай қылмыстық жауапкершілік стандартын қарастыратын жалпы еуропалық заңды мақұлдады. Енді санкцияға ілінген азаматтарға ЕО аумағына заңсыз кіруге көмектесу, санкцияланған тауарларды сату-сатып алу немесе санкцияланған адамдар мен компаниялардың мүдделері үшін тыйым салынған қаржылық операцияларды жүргізу Одақтың барлық елдерінде қылмыстық құқық бұзушылық болады.

Еуро Одақ кеңесіне мұндай заңды қабылдау үшін бір жарым жыл қажет болды. Алғаш заңды 2022 жылдың желтоқсан айының басында Еурокомиссия ұсынған болатын. Ол сол кезде...

Қазақстанның мұнай құбыры операторы –  «ҚазТрансОйл» (ҚТО, «ҚазМұнайГаз» АҚ еншілес кәсіпорны) қарапайым акциялар бойынша дивиденд төлеуге 2023 жылдың соңындағы таза шоғырландырылған пайданың 76,1%-ын (32,8 млрд теңге) – 25 млрд теңге бөлуді жоспарлап отыр. Мәселе 23 мамырда өтетін акционерлердің жалпы жиналысында шешіледі. Бұл туралы Қазақстан қор биржасының (KASE) сайтында жарияланған құжатта жазылған.

ҚТО-ның бір қарапайым акциясына шаққандағы дивиденд мөлшері 65 теңге мөлшерінде белгіленуі мүмкін. Компания таза пайданың қалған  7,8 млрд теңгесін компания иелігінде қалдыруды ұсынады. ҚТО бағалы қағаздары KASE-де саудаланып жатыр. 16 сәуірдегі жағдай бойынша бір бағалы қағаз 848,5 теңге тұрады. Бұл 15 сәуірден (849,49 теңге) сәл төмен.

Былтыр топ...

Алматыда 21 сәуірде жартылай марафон өтуіне байланысты қаланың бірқатар көшелері жабылады. Бұл жайлы әкімдіктің баспасөз қызметі хабарлады.

«Марафонның өткізілуіне байланысты 21 сәуірде сағат 00:00-ден 11:00-ге дейін жарыс өтетін жердегі жолдар ішінара жабылады», – делінген баспасөз хабарламасында.

Жолды жабу жоспары мынадай:

Франция астанасының символдарының бірі Нотр-Дам шіркеуінде өрт шыққан күннен бері тура 5 жыл уақыт өтті. Тоғыз жүз жылға жуық тарихы бар тамыры терең құнды нысан 2019 жылы 15 сәуірде тілсіз жау салдарынан қатты бүлініп, бүгінде қос мұнарасындағы темір конструкция сүрілген.       

DW ақпаратына сүйенсек, өрттен кейін Франция президенті Эммануель Макрон тарихи жәдігерді 5 жылда қалыпқа келтіреміз деп сөз берген.

Жақында Франция үкіметі Париждің көркі саналатын «Құдай ана» шіркеуі биыл жыл соңында, яғни 8 желтоқсанда қайта ашылатынын, «бұрынғыдан да еңселі» болатынын мәлімдеді. Қала үкіметі готика үлгісіндегі эпископал шіркеу бекітілген кестеге сай жүргізіліп келе жатқанын айтады. Наурыз соңында қайта қалпына келтіру бөлімінің жетекшісі Филипп...

Тәжірибелі инвесторлар да, жас инвесторларды да алаңдататын негізгі үш сұрақ бар: акцияларды сатып алған дұрыс па, сатып жіберу керек пе әлде ұстай тұрған жөн бе? Бұл сұрақтарға Freedom Broker мамандары жауап берді. 

Олар бүкіл әлемге танымал Buy, Hold, Sell рейтинг жүйесін қолданатындарын айтады. Бұл ретте әрбір инвестициялық банк пен талдаушы рейтингтердің әрқайсысы үшін өз өлшемшарттарын дербес белгілейтінін білу маңызды. Олардың ішінде ең маңыздысы – болжамды кірістілік, бағалы қағаз құнының артуы.

Buy, Hold, Sell деген не? 

Freedom Broker компаниясының талдаушылары қазақстандық бағалы қағаздар нарығы үшін пайдаланатын рейтингтік жүйенің өлшемшарттары мынадай:  

– BUY. Рейтинг тағайындалған кезде келесі баға 6-12 ай ішінде...

«Қазақстанның Даму Банкі» биржаға доллардағы еурооблигациялар мен теңгелей дебюттік тұрақты даму облигацияларын орналастырған. ҚДБ-ның бағалы қағаздарына деген сұраныс ұсыныстан асып түскен. Бұл туралы банктің баспасөз қызметі хабарлайды.

ҚДБ («Бәйтерек» ҰБХ» АҚ еншілес ұйымы) еурооблигациялардың екі шығарылымын орналастырған. Біріншісі – 500 млн доллар, екіншісі – 100 млрд теңгеге тең.

Еурооблигациялар жаңа шығарылымының айналым мерзімі 3 жылды құрайды. купондық мөлшерлемесі – жылдық 5,5%.

Теңгеге деноминалданған тұрақты даму еурооблигацияларының көлемі – 100 млрд теңге, бағалы қағаздардың айналыс мерзімі – 3 жыл. Ал купондық мөлшерлемесі – жылдық 13%.

Еурооблигациялардың екі шығарылымы нәтижесінде сұраныс ұсыныстан екі есе асып түскен.

Цифрлық даму, инновациялар және аэроғарыш өнеркәсібі министрлігі су басып, байланыс пен интернеттен ажырап қалған өңірлерге 48 Starlink терминалын жіберді. Бұл жайлы министрліктің баспасөз қызметі хабарлады.

«ҚР цифрлық даму, инновациялар және аэроғарыш өнеркәсібі министрлігі облыстық әкімдіктердің сұраныстарына сәйкес, су тасқыны аймағындағы өңірлерге 48 Starlink терминалын жіберді», – делінген хабарламада.

Баспасөз қызметінің хабарлауынша, су тасқыны салдарынан базалық станциялардың электр қуатынан ажырауы ұялы байланыс операторлары желілерінің жұмысына әсер еткен. Нәтижесінде СҚО, Ақтөбе, Қостанай, Ақмола облыстарындағы 12 ауылдық елдімекен бойынша базалық станциялар тасымалданатын генераторлар көмегімен іске қосылған.

Осыған орай өңір халқы интернеттен ажырап қалмауы үшін Қостанай облысына...

Қасым-Жомарт Тоқаев Солтүстік Қазақстан облысында эвакуацияланған тұрғындармен кездесу кезінде халықаралық шараларға жұмсалатын бюджет қаржысын қысқартуды тапсырды.

Ақорда ақпаратына сүйенсек, президент бірқатар өңірдегі су тасқынына байланысты қалыптасқан күрделі жағдайды ескере отырып, бюджет қаржысын үнемдеу мақсатында Үкіметке, орталық мемлекеттік және жергілікті атқарушы органдарға имидждік және басқа да ірі іс-шараларды өткізбеу жөнінде тапсырма берді.

«Мен бюджет қаржысын үнемдеу мақсатында ірі халықаралық форумды өткізуден бас тарттым. Сонымен қатар Дүниежүзілік көшпенділер ойындарына жұмсалатын шығынды қысқартамыз. Әрине, қазір бұл шарадан түпкілікті бас тарту мүмкін емес. Бірақ оған жұмсалатын қаржы көлемі айтарлықтай азаяды. Бұдан бөлек, еліміздің Токиода өтетін Дүниежүзілік көрмеге қатысуына бөлінген бюджет...

Елімізде тұтынушылық сенім индексі (ССІ) пессимистік аймаққа енбей тұрып-ақ төмендеп кетті. Қазақстандықтар бағалар мен тауарлардың өсуіне аса тоқтала қоймаса да (бірақ азық-түліктің негізгі өнімдері мен коммуналдық тарифтердің қымбаттауы бұрынғысынша алдыңғы қатарда), жыл соңына дейін бағаның өсу динамикасын бағалауда пессимистік ұстанымға көбірек жүгінуде. Респонденттер еңбек нарығындағы жағдайға алаңдаулы. Дегенмен кредиттік оптимизм жоғарылай түскен, есесіне депозиттік оптимизм төмендеп кеткен.

Назарларыңызға Freedom Finance Global PLC жүргізген тұтынушылардың сенім индексіне қатысты 17-ші зерттеудің нәтижесін ұсынамыз. United Research Technologies Group әдістемесі негізіндегі бұл зерттеу 2022 жылдың қараша айынан бері ай сайын жүргізіліп келеді.

Пессимистік аймаққа қайта оралғанда

2023 жылдың желтоқсан айынан бастап қазақстандықтардың тұтынушылы...

Ғылым және жоғары білім министрлігі мемлекеттік қызметкерлердің мемлекеттік тілді білу деңгейін анықтайтын тест жүйесінің жаңа қағидаларын әзірледі.

Қазақ тілін меңгеру деңгейін бағалау жүйесі бойынша қағидаларды бекіту туралы жоба «Ашық НҚА» жүйесінде жарияланды. Жария болған құжатқа сәйкес, енді қазақ тілінен тест тапсыру екі деңгейді, яғни диагностикалық және сертификаттық тестілеуді қамтиды. Біріншісінің уақыты – 70 минут, екіншісі — 127 минут.

«Тестілеуден сертификат алу үшін әр блок бойынша тиісінше 30% және 70% аралығында шекті балл жинау талап етілген. «Қазтест» жүйесінде тестілеу нәтижелеріне апелляция жоқ. Сертификат берілген сәттен бастап екі жыл бойы жарамды. Құжаттар тек электронды түрде қол жетімд...

Атырау облысының әкімдігі 54,5 млн теңгеге бәйге өткізуді жоспарлаған. Бұл жайлы мемлекеттік сатып алу порталында жарияланған конкурстық құжатта жазылған.

Бұл қаражатқа «Ұлы дала тұлпары» атты облысаралық бәйге ұйымдастыру көзделген. Конкурсты «Атырау облысының дене шынықтыру, спорт және туризм басқармасы» мемлекеттік мекемесі жариялаған. Өтініш қабылдау 9 сәуірде басталған.

«Ұлттық спорт түрі «Бәйге» түрлерінен жарыстар Қазақстан Республикасы Мәдениет және спорт министрлігі Спорт және дене шынықтыру істері комитетінің және Қазақстан Республикасы Ұлттық спорт қауымдастығының бекіткен Ережесіне сай ұйымдастырылып өтуі қажет», – делінген сайтта.

Құжатта төрт кезеңнен тұратын ат жарысының басқармамен келісе отырып, Атырау облысы аумағында...

«Самұрық-Қазына» ұлттық әл-ауқат қоры» АҚ мемлекетке 2022 жылдың бөлінбеген кірісі есебінен қарапайым акциялар бойынша дивиденд төлемек. Төленетін дивиденд көлемі 100 млрд теңгені құрайды. Қордың жалғыз акционері – Қаржы министрлігінің Мемлекеттік мүлік және жекешелендіру комитетінің шешімі KASE-ге жолданған.

«Облигациялары Қазақстан қор биржасының (KASE) ресми тізімінде тұрған «Самұрық-Қазына «ұлттық әл-ауқат қоры» АҚ (Астана) 2024 жылдың 18 сәуірінде қарапайым акциялар бойынша 2022 жылдың бөлінбеген кірісі есебінен жалпы сомасы 100 002 138 766,40 теңгеге дивидендтер төленетіні туралы хабарлады», – делінген.

Қордың 2022 жылғы бөлінбеген кірісінен 100 млрд дивиденд төлеу туралы Үкімет қаулысы 2024 жылдың 13 сәуірінде...

Астана сотында бұрынғы ұлттық экономика министрі Қуандық Бишімбаев пен оның туысы Бақытжан Байжановқа қатысты қылмыстық іс қаралып жатыр. 16 сәуірде өткен сот отырысында Бишімбаевтың анасы сотталушының қоғамдық қорғаушысы ретінде алғаш рет пікір білдірді.

Бұған дейінгі сот отырысында Бишімбаевтың адвокаттары Нүкенованың мәйітіне қатысты мәскеулік сарапшы берген қорытындыны қылмыстық іс материалдарына қосуды сұрады.

Қорғау тарапының бұл өтінішхатына мемлекеттік айыптаушылар мен жәбірленуші тарап қарсылық білдірді. Олар шетелдік мамандар жалған қорытынды берген жағдайда жауапкершілік арқаламайтынын алға тартты.

Бишімбаевтың анасы Альмира Нұрлыбекова ұлына өзін толық қорғауға мүмкіндік беруді сұрады.

«Сіз мәскеулік мамандардың қорытындысын қабылдамасаңыз, менің ұлымның конституциялық құқығы – өзін...

2024 жылы Қазақстанда автокөлік сату көлемі төмендейді. Қытай автокөліктерінің нарықты «жаулап алуы» жалғасады, электрокөліктер көбейеді. Жыл басында Freedom Finance Global бастамасымен қазақстандық автонарыққа қатысты зерттеу жарияланған еді. 

Ондағы деректерге сүйенсек, Қазақстанда 5,09 млн автокөлік тіркелген. Оның 4,47 млн-ы немесе 88%-ы  – жеңіл авто, 507,5 мыңы немесе 10%-ы –  жүк көлігі, 105,5 мың немесе 2%-ы  – автобустар. Халық мініп жүрген көліктердің шығарылған уақытына келсек, 47%-ның нарыққа шыққанына 10 жылдан асып кеткен. 3 жылға дейінгі, яғни жаңа көліктердің саны 6%-дан аспайды. 87,5%-ы бензинмен, 8%-ы аралас отынмен, 2%-ы дизельмен жүрсе, 0,1%-ы ғана электрокөліктер.

Электрокөліктерге сұраныс 2023 жылы қатты өсті

Алайда...

Gold Tengry Estate компаниясы Атырау облысының Құлсары қаласынан 43 шақырым жерде жатқан «Масабай» кен орнынан мұнай өндіруді бастамақ. Бұл кен орны бірнеше жыл қараусыз қалған.

«Масабай» кен орны Каспий маңы ойысының оңтүстік-шығысында орналасқан. Атырау қаласынан солтүстік-батыс бетте 250 шақырым жерде жатыр. Ең жақын деген елдімекендер – Құласары қаласы мен Қосшағыл ауылы. Кен орында өткен ғасырдың 80-ші жылдары мұнай бар екені белгілі болғанымен толық игерілмеген. Бірнеше мәрте қолдан-қолға өтіп сатылған. 2022 жылға дейін «ЕМЕ» компаниясының иелігінде болған.

«Масабай» кен орнында мұнай өндіру жұмыстарын жүргізуге мемлекеттік экологиялық сараптаманың оң қорытындысы және қоршаған ортаға эмиссияларға рұқсаты болмаған соң, «ЕМЕ» ЖШС-нің жұмысы...