Жаңалықтар

Kia екінші буындағы Seltos моделін нарыққа шығарды. Шағын кроссовердің сыртқы келбеті ғана емес, ішкі технологиялық мүмкіндіктері де жақсарды.

Бағасы мен нарығы

Жаңа модельді ең алғаш рет сатуға шығарған ел – Үндістан, ол осы модель үшін маңызды нарықтардың бірі. Үндістанда Kia Seltos 2026 жылғы моделі 12 мыңнан 22 мың доллар аралығында (қазіргі курс бойынша шамамен 6,1–11,2 млн теңге) бағаланады. Еуропа мен Солтүстік Америкада кейінірек пайда болады және қымбатырақ болуы мүмкін.

Сыртқы көрінісі мен өлшемдері

Жаңа «Seltos» электрлі Kia EV5 пен EV9 модельдерінің стилінде жасалған, қатты әрі бұрышты дизайнымен ерекшеленеді. Кең радиаторлық торы айрықша көзге түседі. Алдыңғы буынмен салыстырғанда...

Қазақстанның бірінші ракеткасы Елена Рыбакина 2026 жылғы маусымдағы алғашқы жеңісін тіркеді. Аустралияның Брисбен қаласында өтіп жатқан WTA турнирінде қытайлық теннисші Чжан Шуайды айқын басымдықпен жеңді.

Кездесу барысында Рыбакина екі сетте де сенімді ойын көрсетіп, матчты 6:3, 7:5 есебімен аяқтады.

Осы жеңістің арқасында қазақстандық теннисші жарыстың 1/8 финалына жолдама алды. Келесі айналымда Елена Мари Боузкова мен Паула Бадоса арасындағы матчтың жеңімпазымен кездеседі.

Еске сала кетейік, 2025 жылы Елена Рыбакина Гиннес рекордтар кітабына енген еді.

Каспий теңізі түбінен тартылатын талшықты-оптикалық байланыс желісінің құрылысы 2026 жылдың соңында аяқталады. Бұл туралы премьер-министрдің орынбасары – жасанды интеллект және цифрлық даму министрі Жаслан Мәдиев Үкімет отырысында мәлімдеді.

Жаслан Мадиев Қазақстанның Еуропа мен Азия арасындағы стратегиялық орналасуы халықаралық интернет-трафик транзитінде елдің рөлін күшейтетінін атап өтті.

Қазақстанның транзиттік әлеуетін арттыру мақсатында Каспий теңізінің түбімен Әзербайжан Республикасына дейін оптикалық кабель тарту жұмыстары басталған.

2025 жылдың наурызында қос ел арасында келісімге қол қойылған.

Бастапқыда жобаны 2027 жылы аяқтау жоспарланған еді. Алайда Қасым-Жомарт Тоқаев пен Ильхам Әлиевтің кездесуінен кейін Каспий теңізінің түбімен өтетін желі құрылысын жеделдетуді тапсырған...

World Boxing ұйымының президенті Геннадий Головкин 2026 жылға федерация басшылығы алға қойып отырған басты мақсаттары мен жоспарларын жариялады.

Головкин WB (World Boxing) даму стратегиясында спортшылар мен олардың мүдделерін қорғауға басымдық берілетінін атап өтті.

«Спортшылар – World Boxing ұйымының жүрегі және басты міндеті. Біз олардың басқару жүйесіндегі рөлін біртіндеп арттырып, іріктеу мен біліктілік алу үдерісінің ашық әрі әділ болуын қамтамасыз етеміз. Сондай-ақ олардың құқықтары мен мүдделерін қорғауға күш саламыз. Спортшылардың физикалық және психологиялық әл-ауқатына, сондай-ақ кеңесші және өкілдік құрылымдарға толыққанды қатысуына ерекше назар аударылады», – делінген World Boxing хабарламасында.

Сөзден іске…

Головкин басқару...

Қазақстан Президенті Қасым-Жомарт Тоқаев цифрландыруды одан әрі дамыту және жасанды интеллектіні жаппай енгізу мақсатында арнайы қаулы шығарды.

Қаулыда «2026 жыл Цифрландыру және жасанды интеллект жылы деп жариялансын» делінген.

«Қазақстан Республикасының Үкіметі Цифрландыру және жасанды интеллект жылын өткізу бойынша қажетті шараларды қабылдасын. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін», – делінген хабарламада.

Жарлық қол қойылған күннен, яғни бүгіннен бастап қолданысқа енгізіледі.

Айта кетейік, бұған дейін Президент 2026 жылды Цифрлық даму және жасанды интеллект жылы болатынын айтқан еді. Бұған қоса, ол биыл елімізде конституциялық реформа болатынын атап өтті.

Елдегі жаппай көтерілістерді басу үшін Иран үкіметі жаңа әлеуметтік бағдарламаны жариялады. Билік тұрғындарға айына жеті доллардан төлеуге дайын деп жазады халықаралық басылымдар.

Жаңа бағдарлама туралы Иран үкіметінің ресми өкілі, үкіметтің баспасөз хатшысы Фатема Мохажерани жариялады. Жоспар бойынша, әлеуметтік төлем 80 миллион адамды қамтиды. Төлем 4 айға арналған және кредит түрінде беріледі, сонымен қатар ол нақты ақша емес, белгіленген тауарларды сатып алуға арналған.

«Төлемдер бағдарламасы ел бойынша 78 қала мен 222 елді мекенді қамтыған жаппай наразылықтар аясында жарияланды. Құқық қорғаушылардың дерегінше, акцияға шығушылар Жоғарғы көшбасшы Әли Хаменеи режимін құлатуды ашық талап етуде. Бұл қазіргі наразылық толқынын...

«Отбасы банкі» 2024 жыл үшін 100 млрд теңге көлемінде дивиденд төледі. Қаржы мекемесінің 100 пайыз акционері – «Бәйтерек» Ұлттық инвестициялық холдингі.

Холдинг атауын, жұмыс істеу мақсатын өзгерткеніне қарамастан, ірі активтері бойынша дивиденд қабылдауды тоқтатқан жоқ. «Отбасы банк» 2024 жылға арналған төлемді 2025 жылғы 30 желтоқсанда толық аударып бітті. Үшінші әрі соңғы транш 15,4 млрд теңге болды. Мәлімет Қазақстан қор биржасында (KASE) жарияланды.

Осының алдында қаржы мекемесі холдингке екі мәрте – шілде және маусым айларында 42,2 млрд теңгеден аударған. Осылайша қарапайым акциялар бойынша үш траншпен төленген дивидендтің жалпы көлемі 100 004 603 400 теңге болды.

«Отбасы банкі» 2003 жылғы...

Ақтаудағы Назарбаев Зияткерлік мектебінің түлегі Меруерт Бижанова ғылым жолында маңызды жетістікке қол жеткізді.

Lada.kz ақпаратына қарағанда, ол әлемдегі ең беделді жоғары оқу орындарының бірі –Оксфорд университетіне Teaching Fellow, яғни оқытушы-зерттеуші қызметіне тағайындалған.

Меруерт 2019 жылы НЗМ-ны тәмамдап, кейін АҚШ-тағы Пенсильвания университетінде оқуын жалғастырған. Онда ол студенттік өмірге белсенді араласып, студенттер ассамблеясының президенті қызметін атқарған.

2025 жылы ол Оксфорд университетінің докторантурасына қабылданды.

Түлектің айтуынша, Teaching Fellow қызметіне тағайындалуы – оның жүйелі еңбегіне берілген жоғары баға. Әрі университет тарапынан көрсетілген сенімнің белгісі. Енді ол ғылыми зерттеулерін жалғастырып қана қоймай, Оксфорд университетінің оқытушылар құрамында дәріс оқып, білім мен ғылым саласында жас ұрпаққа...

5 қаңтардан бастап қазақстандық автокөлік жүргізушілеріне мемлекеттік нөмірлерге қалаған цифрлық және әріптік комбинацияларды таңдау мүмкіндігі қолжетімді болды. Қызмет іске қосылған алғашқы күні-ақ арнайы ХҚКО-ларда ұзын-сонар кезек пайда болды.

Бүгін, 6 қаңтарда үкімет отырысы барысында Цифрландыру және инновациялар вице-министрі Ростислав Коняшкин қазақстандықтар бір күнде 11 мыңға жуық мемлекеттік нөмірге тапсырыс бергенін мәлімдеді. Оның ішінде сұранысы жоғары санаттағы нөмірлер де бар.

Еске сала кетейік, Қазақстанда дайын нөмір таңдау үшін мемлекеттік баж салығы 2,8 АЕК-ті (2026 жылы – 12 110 теңге) құрайды. Ал қалаған комбинацияны тапсырыспен жасату 10 АЕК (43 250 теңге) тұрады, егер ол VIP-каталогқа кірмесе. VIP-нөмірлер үшін төлем 15-тен...

Қырғызстанда ел президенті Садыр Жапаровтың өмірі мен саяси жолына арналған деректі фильм түсірілді.

Фильм авторы, журналист Айбек Бийбосуновтың айтуынша, деректі фильмде Садыр Жапаров соңғы төрт-бес жылдағы маңызды саяси оқиғаларға кеңінен тоқталып, бұған дейін көпшілікке жария етілмеген деректерді бөліседі. Картинада оның түрмеде отырған кезеңі, оппозицияда және күтпеген жерден ел президентіне дейінгі жолы баяндалады.

Сонымен қатар фильмде Қырғызстан Ұлттық қауіпсіздік мемлекеттік комитетінің төрағасы Қамчыбек Ташиевтің қатысуымен түсірілген кадрлар да бар. Ол да деректі фильмде өз ойын ашық жеткізгені айтылады.

Мәліметке сәйкес, деректі фильм төрт сериядан тұрады. Алғашқы бөлімі YouTube-қа шықты, ал қалған сериялары 6, 7 және 8 қаңтар күндері Айбек...

Түркістан облысына Қытайдың тағы бір компаниясы инвестор ретінде кіркелі жатыр. 6 қаңтарда өңір әкімі Нұралхан Көшеров Qingdao Wanlin компаниясының басшысы Яньтао Лимен кездесті. Бұл туралы Kursiv.Media облыс әкімдігінің мәліметіне сүйене отырып хабарлады.

Қытай компаниясының басшысы жаңа жобаларын таныстырды. Qingdao Wanlin Түркістан облысында ауыл шаруашылығы өнімдерін терең өңдейтін кәсіпорындар, үй жануарлары үшін жем шығару мекемелерін, басқа да өнідіріс орындарын ашуды көздеп отыр.

Бұған қоса, қытайлар өңірде туризмді дамыту үшін Орталық Азиядағы ең үлен аквапарктердің бірін салуды ұсынды. Яньтао Ли «инвесторларға қолайлы мүмкіндік жасаған облыс әкімдігіне ризашылығын білдірді».

Өңір басшысы да облысты дамытудың негізгі бағыттарына тоқталып, бірлесе жұмыс...

Алматы облысының Қонаев қаласында ірі инвестициялық агроөнеркәсіп жобасы іске асырылмақ. Мұнда 1 200 бас ірі қара малға арналған заманауи сүт-тауарлы ферма салу жоспарланып отыр. Бұл туралы Ауыл шаруашылығы министрлігі хабарлады.

Ферманың жобалық қуаты жылына 13 мың тонна немесе шамамен 13 млн литр сүт өндіруге жетеді.

Жобаны жүзеге асыру үшін жалпы аумағы 1 955 гектар жер телімі бөлінген. Оның алғашқы кезеңінде 700 гектар алқапта малға азық дақылдарын егуге дайындық жұмыстары жүргізіліп жатыр. Өнімділікті арттыру және су ресурстарын тиімді пайдалану мақсатында тамшылатып және жаңбырлатып суару технологияларын қолдану көзделген.

Инвестиция көлемі 15 млрд теңгеден асады. Жобаны іске асыру...

Инфрақұрылымды дамытуға инвестиция салу Қазақстандағы мобильді операторлар тарифтерінің өсуіне әкелген. Жасанды интеллект және цифрлық даму бірінші вице-министрі Ростислав Коняшкин үкімет отырысынан кейін өткен брифингте осылай деп мәлімдеді.

«Мұнда бірнеше жайтты атап өткім келеді. Кез келген даму инвестициялық шығындарды талап ететінін бәріміз түсінуіміз керек. Яғни осы қызметті жүзеге асыратын компаниялардың өз тарапынан жасалатын инвестициялық шығындары бар. Мәселен, 2023 жылдан бастап байланыс операторлары инфрақұрылымға 700 миллиард теңгеден астам инвестиция салды. Қазіргі уақытта жаңа стандарт бойынша базалық станцияларды, соның ішінде 5G станцияларын орнату белсенді жүріп жатыр. Қазір «ақтаңдақтар» мәселесін шешу үшін интернет жылдамдығы заманауи стандарттарға сай келмейтін аймақтарда антенна-мачталы...

Каспий құбыр консорциумына жасалған соққыларды қолдаған қазақстандықтардың үстінен сотқа дейінгі тергеу басталды.

2025 жылы 17 желтоқсанда Астана қаласының полициясы алғаш рет тергеу бастағаны белгілі болып отыр.

«Тергеушілер Қылмыстық кодекстің 174-бабы – «Ұлт араздығын қоздыру» бойынша әрекет етуде. Құқық қорғау органдары жазбалар мен пікірлердің авторларын анықтап, олардың әрекеттеріне түпкілікті құқықтық баға беру үшін дәлелдер жинауда», – делінген Бас прокуратураның депутат Сарымның сауалына берген жауабында.

Бас прокурор Берік Асылов ведомство бұған дейін де бұқаралық ақпарат құралдары мен әлеуметтік желілерде жалған ақпарат пен өзге де заңға қайшы контентті таратуға жол берілмейтіні жөнінде ескерткенін атап өтті.

Айта кететін...

Әнші Сәкен Майғазиев ерекше әрі әсерлі құттықтауға ие болды. Өнер иесінің шәкірті, жас әнші Шахризада Нью-Йорк қаласындағы әлемге әйгілі Таймс-сквердегі үлкен экран арқылы ұстазын туған күнімен құттықтаған.

Бұл сәттің видеосын Сәкен Майғазиев Instagram-stories парақшасында жариялап, эмоциясын жасырмады. Кадрдан Нью-Йорктің қақ ортасындағы алып экранда «Happy Birthday» деген жазу мен құттықтау бейнесін көруге болады.

Айта кетейік, Таймс-сквер – әлемдегі ең көп адам жиналатын орындардың бірі. Жыл сайын бұл алаңға шамамен 50 миллионға...

Жасанды интеллект және цифрлық даму бірінші вице-министрі Ростислав Коняшкин Қазақстанның ІТ-мамандары не себепті Яндекс такси, Uber сынды такси қызметінің қосымшасын жасауға кіріспейтінін түсіндірді.

Kursiv.Media тілшісі Коняшкиннен шетелдік такси сервистері Қазақстан нарығында жылына миллиардтап ақша табатынын айта келе, олармен бәсекеге түсе алатын отандық мобильді қосымшалар неге жоқтығын, отандық сондай ІТ-шешімдерді жасауға не кедергі екенін сұрады.

Коняшкиннің айтуынша, кез келген бизнес, ең алдымен, ауқымға тіреледі.

«Бір компания бүкіл әлемде жұмыс істесе, оған жаңа өнім шығарып, сервисін қолдап, жұмыс сапасын бақылау оңайырақ. Біз әдетте, стартаптарымызды қолдауға дайынбыз. Алайда бұл тұрғыда елде сапа жағынан халықаралық баламалармен бәсекелесе алатын өнім пайда...

Қазақстандағы ең ірі қысқы курорттар қаңтар айында бағаны бірден көтеріп жіберді, өйткені жылда дәл осы уақытта шаңғы мен сноубордқа қызығатындар тауға қарай ағылады. Kursiv.Media елдегі бағаларды Қырғызстан мен Түркиядағы демалыс орындарымен салыстырып көрді.

Алматы маңы: Шымбұлақ, Ой-Қарағай және Ақ-Бұлақ

Шымбұлақ

Іле Алатауы бөктеріндегі Шымбұлақ тау шаңғы курорты таңғы 8:30-дан түнгі 23:00-ге дейін істейді. Табиғаты сұлу мекенді көру үшін ғана 10 мың теңге (балалар үшін 2,5 мың теңге) төлеу қажет. Осы бағаға Медеуден Шымбұлаққа көтеріліп, қайтадан түсе аласыз. Шаңғы немесе сноуборд тебу үшін біраз шығындалуға тура келеді.

Тау шаңғысына арналған киімдер мен жабдықтарды бір күнге...

2026 жылдың желтоқсанында Қазақстанның Тәуелсіздік алғанына 35 жыл болады. Одан бөлек биыл Желтоқсан оқиғасына 40 жыл. Атаулы күндер арасында есімі ел есінде қалған бірқатар азаматтың да мерейтойы бар.

2026 жылы елде қандай атаулы даталар мен мерейтойлар барын Kursiv.Media материалынан біле аласыздар.

Ыбырай Алтынсариннің туғанына 185 жыл

Аса көрнекті ағартушы-педагог, жазушы, этнограф Ыбырай Алтынсарин 1841 жылы 20 қазанда қазіргі Қостанай облысы Қостанай ауданында туған. Азан шақырып қойған аты – Ибрагим. 3-4 жасында әкесі Алтынсары өмірден өткен соң атасы Балғожа бидің қолында өскен.

Ол Орынбордағы ашылған мектепті тәмамдаған соң туған елінде тілмаш болды. Осылайша ынтасы ағартушылыққа ауады, артынша...

Экс-президент Нұрсұлтан Назарбаевтың үлкен жиені Нұрәли Әлиев 41 жасын Дубайдың шөл даласында дүркіретіп өткізді. Әлиев мерекелік кешіндегі үзінділермен Instagram парақшасында бөлісті.

Туған күн кеші Дубайдан жарты сағаттық жерде орналасқан бес жұлдызды «Terra Solis Dubai» кешенінде өтті.

Әлеуметтік желідегі кадрларда Әлиевтің «Spark of life» («Өмірдің ұшқыны») деген жазуы бар дизайнерлік торттағы шамдарды үрлеп тұрғанын байқауға болады. Суреттерде жұбайы Адина Имашева, 13 жастағы қызы Амира мен үлкен ұлы Алан Нұралиұлы да көзге түседі.

Салтанатты шараны танымал продюсер Николас Броше ұйымдастырған. Қонақтар үшін Turan этно-ансамблі өнер көрсетті. Мереке шөл оазисіндегі сәнді декор және дизайнерлік тортпен ерекшеленді.

Жарияланған Stories-ке қарағанда...

Алматының экс-әкімі, қазір ҚР Президентінің Әкімшілігі басшысының орынбасары қызметін атқаратын Ерболат Досаев декларациясында 2024 жылы (әкім болып тұрған кезінде) 14 млн теңге табыс тапқанын көрсеткен. Ал жұбайы Гүлнар Досаева сол жылы 2,3 млрд теңге кіріс алған. Бұл туралы Ақорда сайтындағы декларация мәліметінде жарияланған.

Декларацияда көрсетілген мәліметке сәйкес, Президент Әкімшілігіндегі кейбір шенеуніктер 2024 жылы жеке табысын көрсетпей, негізгі кірісті жұбайлары жариялаған.

Қауіпсіздік кеңесінің хатшысы Ғизат Нұрдәулетов декларациясында өз табысын нөл деп көрсеткен. Ал оның жұбайы 2024 жылы 24,9 млн теңге табыс тапқанын мәлімдеген.

Президент көмекшісі Қуанышбек Есекeeв те жылдық табысын көрсетпеген. Оның жұбайы Мадина Бектұрғанова...

Ғылым және жоғары білім министрі Саясат Нұрбек 95 университеттің оқу жоспарына ЖИ-ге қатысты пәндерді енгізгенін мәлімдеді.

Үкімет отырысында уақыт талаптарына сәйкес білім беру бағдарламаларын жаңарту бойынша жүргізіліп жатқан жұмыстар туралы баяндалды.

Министр 2025 жылдан бастап барлық білім беру бағдарламаларына жасанды интеллектті қолдану дағдылары енгізілгенін атап өтті. Қазіргі уақытта 95 университет оқу жоспарына жасанды интеллектке қатысты пәндерді енгізді.

Сонымен қатар 30 жоғары оқу орны жасанды интеллект бағыты бойынша 42 білім беру бағдарламасын жүзеге асырып жатыр. Профессор-оқытушылар құрамының 54%-ы ЖИ бойынша біліктілікті арттыру курстарынан өткен.

Сонымен қатар жасанды интеллект университеті құрылмақ. Министр университет индустрияның сұраныстарына сәйкес пәнаралық бағыттар бойынша кадрлар...

Volkswagen жүргізушілердің сын-ескертпелерін ескеріп, ыңғайсыз сенсорлардан бас тартып, классикалық дизайнға қайта оралуға шешім қабылдады. Жаңа электрлі ID. Polo моделі соның алғашқы дәлелі.

Сенсор батырмалар көпшіліктің көңілінен шықпады

Жаңа ID. Polo моделінде рөлге қайтадан қолайлы физикалық батырмалар орнатылды, ал экранның астында климатты басқаруға арналған кәдімгі пернелер пайда болды.

Ең басты жаңалық – орталық консольдегі айналатын «дөңгелек» басқару элементі, ол дыбыс деңгейін реттеп, музыканы ауыстыруға мүмкіндік береді, әрі назарды басқарудан аудармайды. Сондай-ақ әзірлеушілер көпшілік сұранысымен терезелерді басқару үшін төрт бөлек ауыстырып қосқышты қайтарды. Осыған дейін жүргізушілер сенсор батырмалардан шатасып кететін. Нәтижесінде интерьер қарапайым әрі түсінікті болды.

Классикалық Volkswagen...

Жаңа жылдың алғашқы аптасында қазақстандық көрермендердің назары түрлі жанрдағы фильмдерге ауды. Freedom Ticketon мәліметі бойынша, 1-4 қаңтар аралығында ең көп касса жинаған фильмдер анықталды.

1-орын: «Аватар: От пен күл» – үш апта бойы экраннан түспей, 700 млн теңге жинады.

2-орын: Отандық хоррор «Дәстүр теріс бата» алғашқы аптада 400 млн жинаса, екінші аптасында 247 млн теңге табысқа жетті.

3-орын: жаңадан шыққан «Чебурашка 2» фильмі – 215 млн теңге касса жинады.

Алты аптадан бері көрсетіліп келе жатқан «Аңдар шаһары» мультфильмі – 200 млн теңге табысқа жеткен. Айта кетейік, «Аңдар шаһары 2025» жалпы 2,7 млрд теңге жинап, рекорд...

Netflix стримингтік сервисі «Эмили Парижде» (Emily in Paris) сериалы жалғасатынын жариялады. Платформаның әлеуметтік желілерінде алтыншы маусымның анонсы бар қысқаша видео пайда болды.

Роликте басты кейіпкер Эмили смартфон камерасына қарап тұрып, «6» саны бар шамды үрлеп өшіреді. Сахна Эйфель мұнарасына көрініс ашылатын террасада түсірілген.

«Туған үйім – алтын бесігім! «Эмили Парижде“ сериалы 6-маусыммен қайта оралады!» – деп жазылған.

Тизер кадрларына қарасақ, жаңа маусым қайтадан Парижде өрбиді. Бұған дейінгі бесінші маусымда Эмили Римге барған еді. Картина 2025 жылдың желтоқсанында шықты.

«Эмили Парижде» сериалының алғашқы маусымы 2020 жылы жарық көрді. Сюжет бойынша америкалы...