Жаңалықтар

Бәсекелестікті қорғау және дамыту агенттігі қатты пайдалы қазбаларды өндірудің сервистік қызметтері нарығына талдау жасап, Өнеркәсіп және құрылыс министрлігінің іс-әрекеттерінен бұзушылықтар анықтаған. Бұл жайлы агенттіктің баспасөз қызметі хабарлады.

Агенттік хабарлауынша, Өнеркәсіп және құрылыс министрлігі арнай бұйрық шығарып, «Ұлттық геологиялық қызмет» АҚ ведомстволық бағынысты ұйымына инвесторлардан ақы алу құқығын берген.

Солайша 2022-2023 жылдарда жалпы сомасы 1,18 млрд теңгеге геологиялық ақпарат алуға 3999 өтінім түскен. Ең көп төлем сомасы – 1 қызмет үшін 38,9 млн теңгені құраған.

«Өнеркәсіп және құрылыс министрлігінің бұл бұйрығы барлық мүдделі тарапқа геологиялық ақпаратқа ашық және тегін қол жеткізуге кепілдік беретін «Жер қойнауы және...

Солтүстік Қазақстан облысының полиция департаменті су тасқынынан зардап шеккендерге көмек жинау туралы әр үшінші хабарламаның алаяқтық екенін анықтаған.

Ақпаратқа сүйенсек, су тасқыны кезінде WhatsApp мессенджерінде құрылған чаттарға солтүстікқазақстандық полицейлер мониторинг жүргізген.

Петропавлдың шеткі аудандарын терең су басқаннан кейін WhatsApp мессенджерінде топтар құрылып, оларға қаланың және облыстың тұрғындары қосылған. Бұл топтарда адамдар тасқын барысында туындаған проблемаларды талқылап, ойларымен бөлісіп, зардап шеккендерге көмек ұйымдастырады. СҚО полиция департаменті криминалдық полиция басқармасы осы топтарды тексеруді жөн санап, олардың кейбірінен алаяқтық белгілерін анықтаған.

«Соңғы уақытта су тасқынынан зардап шеккен адамдардың банктік карталарының нөмірлері және көмек сұрау туралы өтініштері көрсетілген хабарландырулар тарап кетті. Киберқылмысқа қарсы күрес бөлімінің қызметкерлер...

Елімізде тұрмыстық зорлық-зомбылық сипаттағы қылмыстарды тергейтін әйел полицейлердің саны артуы мүмкін. Бұл туралы Ішкі істер министрінің орынбасары Игорь Лепеха Мәжіліс кулуарында айтты.

ІІМ орынбасары әйелдер құқығы мен балалар қауіпсіздігіне арналған жаңа заңды іске асыру үшін үлкен дайындық жұмысы жүргізілуі тиіс деп есептейді. Бұл үшін Ішкі істер органдарындағы қызметкерлер де қайта даярлаудан өтеді. Игорь Лепеха жәбірленушіні арыз жазудан бас тартуға үгіттеген полицейлер де жазадан құтылмайтынын мәлімдеді.

«Үгіттеу бойынша барлық фактіні тексереміз. Егер ондай жағдайлар орын алса, хабарлаңыздар. Ондай әрекетке жол берген қызметкерлерді жауапқа тартамыз. Бұдан бөлек жауап қайтару тетігін де қарастыру қажет. Осыған дейін мұның бәрі Әкімшілік кодексте...

Қазақстан қаржыгерлер қауымдастығы 2024 жылдың 1 тоқсанындағы Қазақстанның бағалы қағаздар нарығына шолуын жариялады. 

Құжатқа сүйенсек, 2024 жылдың 1 тоқсанында елдің қор индекстері қарқынды өсті. Мәселен, AIXQI индексі 9,2%, ал KASE индексі 21,3% динамика көрсетті

«Бұл өсімнің негізгі драйвері корпоративтік пайда мен дивиденд төлемдерінің артуы, базалық мөлшерлеменің төмендеуі (баламалы инвестициялық құралдардың кірістілігі төмендейді) және рейтингтік агенттіктердің оң бағалары болды. Сондай-ақ инвесторлар сұранысына үш ірі банк:  Халық банк (+30,2%), Kaspi (+26,1%) және BCC (+54,2%), сондай-ақ Kcell (+61,9%) акциялары ие болды. Банк акцияларына деген сұранысқа қаржы нәтижелері әсер етті. Мәселен, 2023 жылы қаржы институттарының жиынтық пайдасы 22,4%-ға өст...

Қазір «жасыл» қаржыландыру мәселесі өткір тұр. Екі ауыз сөзден тұратын бұл мәселенің сан алуан қыры бар. Ол – қоршаған ортаның тазалығы, ол – экологиялық таза өнім, ол – «жасыл» жобалар инвестициясы, ол – экономикаға өзгеше көзқараспен қарау деп жалғаса береді. Қалай болғанда да «жасыл» қаржыландыру – жобаны жүзеге асыру үшін қажетті ұзақ мерзімді қаржыландыру жүйесінің тамаша баламасы. Өйткені бұл жерде, ең бірінші кезекте, жобаның экологиялық тазалығы, қоршаған ортаға тигізер зардабының минималды деңгейі ескеріледі.

Қазір бұл бағытта бірқатар шаруа тындырылып, біршама құжаттар қабылданды:

Мопед механикалық көлік құралына жатқызылып, тіркеуге алынады. Ал жүргізушілері мемлекеттік баж салығын төлейді. Бұл жайлы Мәжіліс отырысында тиісті заң жобасын талқылау кезінде айтылды. Заң жобасын депутаттар бірінші оқылымда мақұлдады.

Бұл заң жобасын парламент депутаттары әзірлеген. Заң негізінде көшедегі мопедтердің жол жүрісін реттеу көзделген.

Бүгінгі күннің ең арзан көлігі саналатындықтан, елімізде мопед жүргізушілерінің саны артқан. Соған сай мұндай көлік түрімен жасалатын апаттар да көбейген. Мәжілісте заң жобасын таныстырған депутат Екатерина Смышляева мұндай көлік түрлерінің қатысуымен 2023 жылы 750 апат болғанын айтты. Бұл көрсеткіш 2022 жылмен салыстырғанда 4 есе көп екен.

«Заң жобасында қозғалтқыш...

Қазақстан мен Ресей көмір жылу электр орталығын салу туралы үкіметаралық келісімге қол қойды. Келісімшарт аясында Ресей Қазақстанның Өскемен, Семей және Көкшетау қаласында ЖЭО салады.

Келісімге қос тараптан Энергетика министрлері қол қойған. Тараптар «ИНТЕР РАО – Экспорт» ЖШҚ және «Самұрық-Энерго»АҚ атынан жұмыс істейтін уәкілетті ұйымдарды да анықтады.

«Үш облыс орталығында – Семей, Көкшетау және Өскеменде үш жаңа ЖЭО іске асыру энергетикалық көмірдің мол қорын ескере отырып, олардың одан әрі дамуына қуатты серпін береді», – деп атап өтті ҚР Энергетика министрі Алмасадам Сәтқалиев.

Қазақстан тарапынан уәкілетті ұйым «Самұрық-Энерго» АҚ атынан ЖЭО шоты бойынша жол картасын...

Мәжіліс депутаттары екінші оқылымда «Масс-медиа туралы» заң жобасын мақұлдады. Жобаға «ЛГБТ насихаттау» туралы түзетулер енгізілген жоқ.

Мәжіліс қабылдаған заң жобасы Сенатқа жіберілді. Заң жобасынан Amanat партиясының депутаттары Асхат Аймағамбетов пен Жанарбек Әшімжан ұсынған «ЛГБТ насихаттау» туралы түзетуді алып тастады. 

Мәжіліс отырысынан кейін мәдениет және ақпарат вице-министрі Қанат Ысқақов түзетулер енгізу туралы ұсынысқа не түрткі болды деген сұраққа жауап бере алмады. Аталмыш бастаманы көтергендердің бірі Асхат Аймағамбетов заң жобасында бұл түзетулер жоқ екенін айтты. Алайда аталмыш мәселе депутат пен оның әріптестерін алаңдататынын атап өтті.

«Мен Қазақстан азаматтарының көпшілігі осы қатынастар туралы ақпараттың біржақты бұрмаланып ұсынылуына алаңдаулы екеніне...

«Бәйтерек» холдингі тұрғын үй кезегіндегі азаматтарды баспанамен қамтамасыз ету үшін 839 млрд теңгеге әкімдіктердің облигацияларын сатып алмақ. Бұл қаржыға 7,6 млн шаршы метр әлеуметтік тұрғын үй салынады.

Ол 2033 жылға тұрғын үйге деген қарай қажеттіліктің 8,8%-ын құрайды. Холдинг сонымен қатар бюджеттен бөлінген қаражат есебінен кезекте тұрғандарға жеңілдікті несие беруді жалғастыруға ниетті.

 «Холдингтің еншілес ұйымы – «Қазақстандық тұрғын үй компаниясы» АҚ мүдделі мемлекеттік органдар және жергілікті атқарушы органдармен бірлесіп жақын арада халықтың әлеуметтік осал топтары үшін 272 млрд теңге сомасына жекешелендіру құқығымен жалға берілетін тұрғын үй сатып алу жөніндегі бағдарламаны іске қосады. Бұл республика бойынша 1 млн шаршы метрден...

Су астында қалған өңір тұрғындары несиеге алынған көліктері суға кеткен жағдайда мүлкіне келген зардапты есептетіп көмек ала алады. Бұл туралы Мәжіліс кулуарында Қаржы министрінің орынбасары Ержан Біржанов айтты.

«Әр жағдайды комиссия жеке-жеке қарайды. Оларға да(көлігі суға кеткендерге де – ред.) көмек көрсетіледі. Барлық мүлік есептеледі. Міндетті түрде зардапты толық есептейтін боламыз. Президент те, үкімет басшысы да уәде берді ғой», – деп жауап берді Біржанов журналистердің автонесиеге алынған суға кеткен көліктердің шығынын есептеу туралы сұрағына.

Бұдан бөлек, су басқан аймақтардағы несие алған тұрғындарды төлем мерзімдері қайта қаралатынын атап өтті.

«Несие бойынша барлығына...

2024 жылғы қаңтар-наурызда Қазақстандағы негізгі капиталға салынған инвестиция көлемі 2816,3 млрд теңгені құраған. Бұл 2023 жылғы қаңтар-наурызбен салыстырғанда  0,8% аз. Ұлттық статистика бюросы 3 айда негізгі капиталға салынған инвестиция туралы мәлімет жариялады.

Өңірлер бойынша статистика 

Инвестициялардың төмендеуі Ақмола облысында – 36,7%, Атырау ( 29,5%), Абай (25,9%), Шығыс Қазақстан (10,7%), Ақтөбе (10,5%) және Манғыстау (10,3%) обылыстарында байқалды.

Бұл ретте негізгі капиталға салынған инвестицияның нақты көлемінің индексі бірнеше облыста өскен. Солтүстік Қазақстан облысы – 48,8%, Жетісу облысы-  42%, Қызылорда – 32,8% және Түркістан облысында 31%  болса, Астана қаласында – 30,8%, Жамбыл (24,4%) және Алматы (21,8%) облысында байқалады,. 

Инвестицияның едәуір үлес...

Мәжілісте депутат Николай Арсютин мас күйінде көлік жүргізгені үшін тағайындалатын әкімшілік жазаны жеңілдету мәселесін көтерді. Ол бұл жазаны бірінші жасаған жағдайда ірі көлемдегі айыппұл салу, қайтталанған кезде жүргізуші куәлігінен айыру мәселесін көтеру керек деген ұсыныс жасады.

Депутат соңғы кезде халықтан Қазақстан Республикасының Әкімшілік құқық бұзушылық туралы кодексінің 608-бабы 1-тармақшасына қатысты көп өтініш келіп түсетінін, өтініштердің негізінен қарапайым азаматтардан келіп жатқанын айтты.

«Бұл бапта көлікті масаң күйде айдағаны үшін 15 тәулікке қамау және 7 жыл көлік жүргізу куәлігінен айыру жазасы қарастырылған. Талаптарды қатайту 2019 жылы мемлекет басшысының тапсырмасымен жүзеге асырылғанын білеміз. Бірақ бізге өтініш...

Халықаралық валюта қоры (ХВҚ) жаһандық экономиканың өсіміне қатысты жаңартылған болжамын жариялады. Қазақстан ЖІӨ-сінің 2024 жылғы өсіміне қатысты болжамы 3,1% деңгейінде сақталған.

ХВҚ 2024 жылғы жаһандық өсімге қатысты болжамын 0,1 тармаққа өсіріп, 3,2%-ға дейін жақсартқан. Әлемдік инфляция 2024 жылы 5,9%-ға, ал 2025 жылы 4,5%-ға дейін төмендейді деген болжам жасалған. Бұл көрсеткіш бұған дейінгі болжамнан 0,1 тармаққа жоғары.

Алайда ХВҚ Қазақстан экономикасына қатысты болжамын өзгертпеген: бұған дейін валюта қоры ел экономикасы 3,1 пайызға дейін баяулайды деген. Ал Қазақстан үкіметі биыл ел экономикасының өсімі 5,3 пайызға жеткізуді мақсат тұтып отыр.

Елдегі инфляция одан әрі төмендеуін жалғастырғанымен, үкімет меже етіп...

Қырғызстан Цифрлық даму министрлігі интернет-провайдерлерге TikTok әлеуметтік желісіне кіруді шектеу туралы хат жіберді. Бұл хат ведомствоға елдің Ұлттық қауіпсіздік мемлекеттік комитетінен келіп түскен.

24kg басылымының ақпаратына сүйенсек, ҰҚМК Қырғызстанның TikTok сегментінде «мазмұнды цензуралауға жүйелі және принципті көзқарас жоқ» екендігін, атап айтқанда балалардың желіде қорғалмағанын атап көрсеткен.

Сондықтан ведомствоға «Балалардың денсаулығына, олардың физикалық, рухани, адамгершілік дамуына зиян келтірудің алдын алу жөніндегі шаралар туралы» заңға сілтеме жасай отырып, 18 сәуірге дейін әлеуметтік желіге кіруді шектеу тапсырылған.

Қырғызстандық БАҚ Қырғызстанның Мәдениет министрлігі өткен жылдың тамыз айының соңында әлеуметтік желіні бұғаттау туралы өтініш жібергенін еске салады. Содан кейін министрлік бірқатар үкіметтік емес...

Telegram мессенджерінің негізін қалаушы Павел Дуров америкалық журналист Такер Карлсонға Ресей мен АҚШ барлау агенттіктерінің қысымы туралы айтты. 

Америкалық журналистке берген сұхбатында ол мессенджер Ресей билігімен байланысты деген мәлімдемені Telegram бәсекелестері таратып жүргенін айтты.

«Жаңа компания құру үшін АҚШ-қа барғанда ФБР қысымына тап болдым. Әуежайдағы барлау агенттіктері мессенджердің жұмысы туралы көбірек білуге тырысып, Telegram-ға қатысты түрлі сұрақтар қойды. Бірде ФБР агенттері менің үйіме де келді», – деді Дуров.

Ол осы оқиғалардан кейін өзінің жаңа компаниясын АҚШ-та құру туралы ойдан бас тартқанын атап өтті. 

Бұдан бөлек, Дуров Ресейде де қысым көргенін айтқан. VK әлеуметтік желісін...

Қазақстанда тағы екі микроқаржы ұйымы лицензиясынан айырылды. Қаржы нарығын реттеу және дамыту агенттігі Sofi Finance және Creditum МҚҰ-сына қатысты осындай шешім шығарды. Қазақстандағы ең ірі МҚҰ қатарына кіретін компаниялар енді тұрғындарға микроқарыз бере алмайды.

«Қазақстан Республикасы Қаржы нарығын реттеу және дамыту агенттігінің (бұдан әрі – Агенттік) Алматы қаласындағы өңірлік өкілдер басқармасы бастығының 2024 жылғы 16.04 №46 және №47 бұйрықтарына сәйкес «Sofi Finance микроқаржы ұйымы» жауапкершілігі шектеулі серіктестігі және «Creditum микроқаржы ұйымы» жауапкершілігі шектеулі серіктестігі (бұдан әрі –МҚҰ) микроқаржылық қызметті жүзеге асыруға берілген лицензияларынан айырылды», – делінген хабарламада.

Бұл мекемелер «Микроқаржылық қызмет туралы» заң мен Ұлтты...

Арнайы ХҚКО-ларға жүргізілген жемқорлыққа қарсы мониторинг нәтижелері бойынша бюджетке түсетін түсімдер 10,6 млрд теңгеден 91,3 млрд теңгеге дейін ұлғайған. Бұл жайлы Сыбайлас жемқорлыққа қарсы іс-қимыл агенттігінің баспасөз қызметі хабарлады.

Сыбайлас жемқорлыққа қарсы мониторинг нәтижесінде агенттік автомобильдерді тіркеу және жүргізуші куәліктерін беру кезінде жемқорлық тәуекелдерін анықтаған.

2011 жылдан бері қолданылып келе жатқан автокөлікті тіркеу жүйесі арқылы кейбір қызметкерлер жалған деректер енгізіп, жалған құжаттар әзірлеп келген.

Баспасөз қызметінің хабарлауынша, агенттік 3 жыл ішінде 23 қылмыстық істі тергеп, 3 мыңнан астам заңсыз көлікті есепке қою фактілерін анықтаған. Сонымен бірге 60 мың жүргізуші куәлігі заңсыз берілгені белгілі болды. Осындай жемқорлық тәуекелдерін...

Грузия парламентінің құқықтық мәселелер жөніндегі комитеті «шетелдік агенттер» туралы заңды мақұлдағаннан кейін наразылық акцияларында бірнеше адам ұсталды.

Euronews басылымының ақпаратына сүйенсек, Грузия парламенті «шетелдік агенттер» туралы заңды қабылдауға қарсы наразылық акциялары өтіп, 14 адам қамауға алынды. Жаппай наразылықтарға қарамастан парламенттің заң мәселелері жөніндегі комитеті тиісті заң жобасын мақұлдады. 

Наразылық акциясына шыққанда заң жобасының мақсаты Грузиядағы азаматтық құқықтармен айналысатын шетелдік ҮЕҰ қызметін бақылау және тежеу болады деп күдіктеніп отыр. Парламент бұл заңды бір жыл бұрын өткізуге тырысты, бірақ ол жаппай наразылықтан кейін өтпей қалған. 

Заң жобасын Грузияның еуроатлантикалық серіктестері де айыптап жатыр. Еуро Одақтың Тбилисидегі елшісі заңның еуропалық құндылықтарға сәйкес...

Freedom Bank Тәжікстанда еншілес ұйымын ашады. ҚНРДА «Банк Фридом Финанс Қазақстан» АҚ-ға «Банк Фридом Финанс Тәжікстан» жабық акционерлік қоғамын құруға рұқсат берді.

«Агенттік Басқармасы «Банк Фридом Финанс Қазақстан» акционерлік қоғамына еншілес ұйым – «Банк Фридом Финанс Тәжікстан» жабық акционерлік қоғамын құруға рұқсат беру туралы 2024 жылғы 12 сәуірдегі № 19 қаулыны қабылдады», – делінген хабарламада.

1 сәуірдегі мәлімет бойынша, банктің меншікті капиталы 153 млрд теңгені құрайды. Жыл басындағы көрсеткіштен 20 млрд теңгеге өскен. Жиынтық активтері 2,2 трлн теңгеге тең болса, жиынтық міндеттемелерінің көлемі 2 трлн теңгеден астам. 2023 жылы банк 34,2 млрд...

Қытай ірі мемлекеттік несие берушілерге, орталық банкке және негізгі реттеушілерге қатысты жемқорлық фактісі бойынша жаңа тексеруді бастады. 

Bloomberg ақпаратына сүйенсек, елдің Қаржы министрлігі, Ұлттық қаржылық реттеу басқармасы және Қытайдың бағалы қағаздарды реттеу жөніндегі комиссиясы сыбайлас жемқорлыққа қарсы ұлттық органдарының тексеру нысанына айналған.

Есепке сәйкес, Қытайдың Industrial & Commercial Bank of China Ltd басқаратын ірі мемлекеттік несие ұйымдары да тексеріледі. Сондай-ақ Шанхай мен Шэньчжэньдегі негізгі биржаларға назар аударылады. Орталық үкіметтің инспекциялық топтары қатысқан 34 ұйымның ішінде 17 ұйымға тексеруге барды. Жалпы инспекция жұмыстары үш айға созылады.

Айта кетейік, 2021 жылы 25 ірі қаржы ұйымдарындағы парақорлыққа қарсы осындай тексерулер бүкіл салада...

4 қаңтар күні «Майқайыңалтын» АҚ Майқайың шахтасының аумағында «КӘАҚҚ» ЖШС қызметкерлері мінген автобус жолдың опырылған жерінен құлап кеткен еді.  Соның салдарынан  екі адам қаза тауып, қалған екеуі хабар-ошарсыз жоғалды.

Тұрғындар мен жұмысшылар «Майқайың» АҚ басшылығын айыптап, мемлекеттік комиссиядан бұл оқиғаның жай-жапсарын тексеруді сұрады. Олар ашық хатта компанияның басқару жүйесін сынап, қауіпсіздік ережесі сақталмағанын мәлімдеді.

Апат салдарынан жоғалғандарды іздеу жұмысы ұзаққа созылды. Құтқарушылар мен техникалар жұмылдырылды. Қаңтарда Павлодар облыстық полиция департаменті қылмыстық іс қозғап, тергеу жүргізді.

Майқайың шахтасындағы оқиға себебін тергеу комиссиясы зерттеді

ҚР Еңбек министрлігі Еңбек және әлеуметтік қорғау комитеті төрағасының 2024 жылғы 4 қаңтардағы...

Облыста табиғат апаты салдарынан қиындыққа тап болған тұрғындарға 184 600 бір реттік әлеуметтік көмек қаражаты үлестірілуде. Қазіргі уақытта әлеуметтік көмек 369 200 теңгеге артты. Бұған дейін өтінім бергендерге қайтадан құжат жинау міндеттелмейді.

– Биылғы көктемде өңірде болған су тасқыны салдарынан зардап шеккендерге және қиын жағдайға тап болған отбасыларға осы кезге дейін 50 АЕК мөлшерінде, яғни 184 600 теңге көлемінде біржолғы әлеуметтік көмек көрсетіліп жатыр. Бүгінгі таңда 677 отбасына көмек көрсетілді. Оның сыртында 1300-ден астам отбасы өтініш берді. Осы аптадан бастап көрсетілетін көмектің көлемі екі есе ұлғайтылып, 100 АЕК, яғни әр отбасына 369 200 теңге көмек көрсету туралы шешім қабылданды. Көмек көрсету...

Біріккен Араб Әмірлігіндегі Дубай әуежайы жұмысын тоқтатуға мәжбүр болды. Оған табиғаттың тосын құбылысы себепші болды. Мемлекет осыған байланысты дабылдың сары деңгейін жариялады. Төтеше жағдай режимі ертең кешке дейін жалғасады.

Араб Әмірлігі аумағында күшті жаңбыр сейсенбі күні басталды. Бұл аласапыранда Дубай қаласы айрықша зардап шекті. Интернет кеңістігінде тараған бейнежазбаларда әуежайдағы ұшақтардың қалт-құлт етіп, әрең тұрғаны байқалады. Көшелер суға толып, сауда орындарын су басты. Метроның ішіне де су құйылуда.

 Дүйсенбі күні басталған нөсер тыйылар емес. БАӘ Ұлттық метеорология орталығы тұрғындарға бұл нөсердің зардабы орасан болатынын ескерткен. Әуе рейстерімен қатар, елдегі теміржол қатынасы да тоқтады.

Атырау облысындағы су тасқынына қарсы дайындық жұмысы қауырт жүргізілуде. Төтенше жағдай кезінде Каспий құбыр консорциумы Теңіз-Новороссийск мұнай құбырының тұрақты үздіксіз жұмысын қамтамасыз ете отырып, Қазақстан мұнайын экспорттау көлемін сақтау үшін бар күші мен ресурстарын жұмсауда.

ҚР Қазақстан Республикасының Энергетика министрі Алмасадам Сәтқалиевпен кездескен КҚК бас директоры Николай Горбан мұнай құбыры компаниясының қазіргі жұмыс барысы, су тасқынына қарсы шаралар туралы баяндады. Каспий құбыры консорциумының бас директоры Николай Горбан Қазақстандағы төрт нысанның үшеуінде («Теңіз», «Исатай» және «Құрманғазы» ПС) су басу қаупі жоқ деп мәлімдеді.

Атырау қаласы аумағындағы Жайық өзені суының деңгейінің көтеріледі деп болжануда. Соған байланысты «КҚК-К» АҚ-ның арнайы техникасы Каспий құбыры консорциумы, «ҚазТрансОйл» АҚ, «Қарашығана...